CXVIII.

Pfunden Pfenninge.

Wir apt Heinrich vnd di samung gemain des chlosters ze Ho- henfurt veriehen offenwar an disem prief vnd tuen chunt allen den, di nu sint vnd lebent oder hernach chunftig werdent, daz der erber man, dem got genad, Albrecht ze den czeitten spitalmaster vnd purger in der Vreinstat vns geschaft vnd geben hat vmb ein ewigen iartag czehen phunt phenning, der wir gancz vnd gar gebert sein von seinem sun Heinrich dem Redinger, vnd wir di selben zehen phunt ze rechter nolturft in daz ampt vnser pitancz angleit haben, alsso beschaidenleich daz wir gemain mit vnsern trewn verhaissen, di weil wir di vorgenant zehen phunt nicht richten noch geweren,

9*

132

so schull vnd welle wir geben vnsers vreis aygens czinzze auz der pitancz ain phunt phenning gulte auf dem auserm Slaeglein cze sant Mychels tag; dez selben innemmer vnd raicher schol sein vnser prueder des offt genanten Albrechz sun prueder Ebberhart, vnd davon geraicht vnd gediennet schol weren der sammung gemain in dem reuent ein mall von aim phunt, davon begangen schol weren dez egenanten Albrechz sein vnd seiner vorvodern vnd auch nach- chueften gedechtnuzze vnd iarczeitt ant sand Symons tag mit messen vnd mit n n dünn pett nach vnse.rs ordens gewonhait. Wer auer daz, daz wier di egenant czehen phunt richtetend vnd gewert vnd di sel ben an einen ewigen vnd steten dienst angelet wurden, so schol der egenant Heinrich Redinger des Albrechz sun daz phunt, daz er vns iaerleich raichet von seins swehers der (sic) Redingers selgeret, daz auf der hofwiss let, nicht raichen noch geben, vnczt daz di saemchait gancz vnd gar volpracht werd. Vnd daz di redd alle staet vnd vnczeprochen bleib, da vber geb wir ich apt Heinrich vnd di sammung gemain vnser paider insigel czu einem vrchund vnd be- staetigung diser sache. Der prief ist gegeben do von Christes gepuerd ergangen worden drevczehen hundert iar dar nach in dem fuemf vnd sechzigist iar an- vnser vrowen tag ze der scbyedung.

Die Siegel fehlen.'