LXIX. Die Rotgerberinnung zu Liegnitz verbindet sich vor dem Rathe, einen Artikel aus den Statuten der breslauer Rotgerber ebenfalls zu halten. 20. November 1397. Aus den liegnitzer Handwerkerstatuten S. 35. Statuta cerdonum, sicut tenentur Wratislavie, nobis missa per consules Wratislauienses. W ir Burgirmeistir vnd ratnianne der stat Legnicz, Pawil Brockotindorff, Niclos Crebil, Niclos Viaw, Niclos Elle, Niclos Pfaffindorff vnd Niclos Girdan, bekennen offinlich mit desim brive allen den, di en sehen, hören, adir lezen, daz vns die erbern, wyzen . . ratmanne zu Breczlaw gesand habin iren briff vorslussin mit irem ingesegil eyns sulchin lowtis: Lieben frunde, vor vns sint komen di . . geswornen vnd eldisten der rotgerber in vnser stat vnd habin vns vorgelegit, wy das . . hantwerg der rotgerber czu vch czu Legnicz von en begert habe, vns czu beten, vch zuvorschrebin dese hernochgeschrebin artikell, di in iren vorbriften vnd vorsigilten Statuten begriffen sint in sulchin worten: „Nymant, Iver sie burger adir gast, oder wer her sie, sol vor der stat, adir in den gössen, noch in hewsern keynirley hute noch vel, rynderin noch kelberin, scheffynn, adir welchirley si syn, kawfen, sundir wer do teil sulche vel kewfen, alz geschrebin steet, der sol si kewfin uf dem markte; axesgenomen, was eyn burger stacht czu syme nuteze, di vel adir hute mag her oh heyme wol vorkeußn; wer do wedir tele, der sol der stat voruallen syn noch gnaden. Auch sol keyn hantwerg dem andern in syne recht vnd Statuten griffen in keyner wyze." Gegebin am frytage vor sante Galli tag xcvlj°. ]p;-t Des sie wir vorgenanten burgermeister vnd ratmanne der stat Legnicz mit vnsern eldisten zu rate wurden von der stat wegin, daz man di egenanten Statuten vnd artikel auch alhy czu Legnicz alzo halden solle in allir mase, alz oben steet geschrebin. Des czu be- kentnisse vnd bestigunge haben wir desin briff gegebin dorobir, vorsegilt mit der stat Legnicz ingesegil, der gegebin ist am nehstin dinstage noch sante Elizabeten tage noch gotis geburt towsund dryhnndirt iar in dem sehen vnd newnczigisten iare.