XXX. Herzog Boleslaw von Schweidnitz und seine Gemahlin Agnes bestätigen, dass in allen ihren Landen nur Schweidnitz das Niederlagsrecht für Wait hat. Schweidnitz, den 23. März 1356. Original im schweidnitzer Stadtarchiv II. LL. 2. I n gotis namen amen. Wir Bolke, von gotis genaden herczoge in Slezien, herre von Fur- stenberk vnde czur Swydnicz, vnde wir Agnes, von den selben genaden berczoginne in Slezien vnde vrouwe czur Swydnicz, tuen kund eweclich vnde bekennen offenlich mit desim kegenuortegim bryue allen den, dy in sehen odir horen lezen, daz wir mit woluorbedachtim mute vnde mit rate vnser getruwen manne von vnsern furstlichen genaden vnde gewalt vnde ouch von sundirlicher gunst vnser stat Swydnicz vnde dy gewerken do selbist begna- dit haben vnde do mete begnaden, alzo als von aldirs y vnde y dy nedirloge des weytis vnde des koufsMn der egenanten vnser stat Swydnicz gewest ist vnde nirgen andirs wo in keyner stat nach in keyner vesten nach merkten in vnserm lande, zo welle wir ernstlich vnde begnaden vnser stat Swydnicz vnde dy gewerken eweclich do mete, das dy selbe nedir loge vnde der kouf des weytis nyrgen in vnserm lande sin zal in keyner stat, vesten nach merkten in dem nuwen lande nach in dem alden, denne do selbist czur Swydnicz vnde zal do bliben eweclich vnuorrukt vnde vngehindirt von allen vnsern nachkomelingen; sunder- lich welle wir ouch ernstlich das. ap keyn broch odir krik odir keynerleye gescheytte vnde vorgessinkeyt czwischen den koufleuten, dy mit dem weytte do hin czur Swydnicz quemen, vnde czwischen den gewerken gesche, den broch vnde den krik vnde dy geschiente alle sullen dy ratleute vnser vorbenanten stat Swydnicz handeln vnde enscheyden vnde nymant andirs denne sie, vnde ouch alzo, das in beydirsyt beyde den koufleuten vnde den gewerken glich vnde recht gesche. Ouch welle wir; were das, das eyn gast weyt brechte in vnser stat Swydnicz vnde den dor vs furen welde[nj wedir dy nedirloge vnser stat Swydnicz, das zal vnser statwern vnde zal des mit nichte nicht gestatin, vnde zullen dyleute vnde den weyt vfhalden bis an vns odir an vnser gewalt odir wer herre odir gewaldik ist odir wirr, ap wir nicht wem'). Unde des czu eyner ewegin bestetegunge vnde czu eyme ewegin be- dechtenisse habe wir desin brif vorsegilt lazen werdin mit vnsern anhangenden ingesegeln. Gegeben czur Swydnicz an der metewochen nach dem suntage als dy kirche singit remi- niscere. Nach gotis geburt dryczenhundirt iar in dem sechs vnde fumfczegistim iare. Des sint geczuk vnser man herr Vlrich Schaff, her Frederich vom Pechwinkel, her Nickel von Siffredow, Nickel von der Ribnicz, Nickel von Sachinkirche, Herman Spanseyl vnde Petir von Czedlicz, vnser lantschriber, vnde andir vnser man vil. An grünen seidenen Schnüren hängen: 1. das bekannte grosse Fnsssiegel des Herzogs; 2. ein kleines Siegel der Herzogin Agnes, deren Brustbild darstellend. Jede ihrer Hände hält ein Wappenschild, von denen das rechte den schlesischen Adler zeigt, das linke in mehrere Längsfelder getheilt ist. Die Umschrift in gothischer Majuskel lautet: AGNES DVCISSA SLESIE ET DOMINA SWIDNICENSIS. i) Vcrgl. S. 17 § 13. 45