820. 3«. Marz 1405. o. O. Graf Rudolf von Hohenberg, Hofmeister de Herzogs Friedrich von Oestreich und Hauptmann der Herrscd^ Hohenberg, belehnt die Ammanne und deren Mutter, die Schcnnerr: von Nagold, mit dem halben Dorf Wendelsheim (O.A. Rotenburg! Wir Grauf Rudolf von hohemberg hofmaister vnsers gnedigc Herren hertzog fridrichs hertzog zu Osterich etc. vnd houptman de Herschaft zuHohemberg tugen kunt mit disem brief, das für vns kom vf d^ tag, als dire brief gebm ist, Hans vnd chünrat vnd fritz all dri gebrud» chünratz des ammans seligen elichen sün vnd angnesz schennerin chünratz des ammans seligen eliche husfrow vnd Baten vns, das wir Innen gerüchten zu lihen das halb dorf windelsshain mit siner zügehörung, das lehen were von vnser gnedigen Herschaft von Osterich vnd wurden such dez do zu mal vndermist mit briefen, das haben mir getan vnd haben den obgenanten Hansen chünraten vnd fritzen chünratz dez ammans seligen elichen sün vnd ouch angneßen der schennerin der obgenanten dryer knaben eliche müter vnd iren erben das halb dorf windelsshain mit siner zügehörung gelihen vnd lihen Innen ouch gemainlich wissentlich mit vrkund diß briefs an stat vnd In namen vnser gnedigen herschaft von Osterich, was wir Innen von Rechts wegen dar an lihen füllen oder mügen, vnd haben Innen ouch dar vmb zu trager geben Hansen den schenner Hansen dez schenners sün von nagelt, also daz er die lehen tragen sol In tragers wiß vnd als lehens recht ist 'vnd sol ouch der egenant Hans schenner vnser gnedigen Herschaft von Osterich von der lehenschaft wegen Jntragers wis getriv dienstbar vnd gehorsam sin, als denn lehen lut irem lehen Herren billi- chen tun füllen. Dez zu vrkund so haben wir vnser aygen Jnsigel offenlich ge henkt an disen brief, der geben ist an dem nehsten Mentag nach dem sunntag nach niiterfasten, so man singt letare, do man zalt (sie!) Cristus geburt vierzehen hundert Jar vnd in dem fünften Jar.