229. 23. August 1312. Hirsowc. Werner und Heinrich von Ehingen schenken unter dem Siegel Graf Rudolfs von Hohenberg, ihres Herrn, an das Kloster Bebenhausen einen Weinberg bei Tübingen. Wir Wernher vnd Hainrich von Ehingen gebrüder tun kunt allen die disen brief sehent oder hörent lesen, daz mir dur vnser sele hail haben gegeben dem closter von Bebenhusen, als och vor tet vnser vatter herre Marqnart selig ain ritter von Ehingen, die aigenschaft vnd alliz daz reht daz wir ald vnser erben hetton oder möhten han an dem wingarten bi Tumingen der des Bachten maz, vnd verziehen vns für vns vnd alle vnser erben allis rehtes vnd anspräche, die mir mohten vmbe den selben wingarten han vor gerihte ald ane gerihte. Bnd smenne vnser brüder Albreht vnd Cvnrat ze lande kommt, so iuln mir schaffen in aines manodes frist, daz si daz selbe och tüien, vnd darumbe han mir dem closter ze bürge gesezzet vnd gegeben Hern Cvnrat von Witingen amen ritter vnd Rvdegern den Bondorfer von Rutelingen, die suln dar umbe laisten rehte giselschaft, swa wir daz nit schüfen. Gienge öch der bürgen ainer abe, e das geschaehe, so suln mir in aines manodes frist ainen als guten dem closter sezzen ald der ander sol darumbe laisten, vnd swa daz closter vmbe disu reht clag an gienge, da suln mir daz vnd vnser erben verstan vnd ledig machen. Daz aber dis dem closter von vns sicher sie, so geben mir ime disen brief besigelt mit vnser Herren grauen Rüdolfen von Hohenberc vnd der stat von Rotenburc jnsigel. Wir graue Rudolf von Hohenberc veftenen vnd staeten dem closter mit vnserm jnsigel die aigenschaft des mingarten vnd allis daz hie vor geschriben stat. Des sint gezüge herre Walther der Schenke, herre Hug von Haluingen, herre Wernher vnser vetter, ritter. phaffe Reinhart der Spaete, Otte von Wurmelingen, Hug der Marschalk vnd ml ander biderbe lüte. Dis Aeschach ze Hirssome, do man zalte von Gottes gebürte drü- zehen hundert iar vnd dar nah in dem zwölften iare an dem ahtoden tag vnser vrowen der erren.