Wir graff Rudolfs von Hohenberg versehen offenlich und tun kunt meng lichen mit disem brief, das für uns kam an dem tag, als diser brieff geben ist, Haman von Valckenstein, Hilvrantz säligen sun von Valckenstein, und bat uns ernstlich, datz wir im diß nachgeschriben lehen lihen an siner und finer brüdern Thomas und Josephus statt, die von uns und unfern Vorder« zu lehen giengen, und such sin vorder« von unsern Vordern zu lehen gehept hatten. Und diß nachgeschriben tal ist lehen von uns Attental' mit zwingen und bennen, lüten, gerichten und gülten, und güten, wie die her kamen sind, nütz uß genomen, als der genant Hilprant sälig von Valckenstein von unsern vordern zu lehen gehept hett, dez haben wir sin bitt erhört, und haben dem vorgenanten von Valckenstein, Haman, an siner und an siner vorgeschriben bruder statt daz vorgeschriben Attental mit siner zugehörd, als vorgeschriben stat, geliehen, wie wir billich und durch recht lichen füllen, also, daz er uns davon tun soll, als ein jeglich lehenmann sinem lehenherren billich und durch recht tun soll, doch mit disem lihen vorbehaltent uns und unserer Herrschaft unfrü rechte. Und diß lihens zu einem vrkund haben mir unser eigen insigel offenlich gehenkt an disen brief, der geben ist an dem mentag vor dem palmtag nach Christus geburt Drü- zehnhundert jar, darnach in dem fünf und sübenzigsten jar.

Nach einer Abschrift in dem Landesarchiv zu Karlsruhe.

> Attenthal bei Freiburg (Ebnet).

— 6«ö -

63 l.

!S. April 1375. o. O. Graf Rudolf von Hohenberg legt Zeugniß ab über den Verkauf des Widcmhofs in Bondorf seitens feiner Vetter der Gr. Otto und Burkard von H. an das Kl. Bebcnhaufen.

Wir grase Rudolfs von Hohemberg veriehen offenlich vnd tun kunt menglichen mit difem brief allen den die in an senhent lesent oder hörent lesen, daz uf den tag als dirr brief geben ist. zu ins kam der ermirdigen gaistlichen Herren des avtes vnd des goczhus ze Bebenhusen erber bottschaft vnd fragten vns ob mir in indahtig warin vmb den kouff den vnser vetter grase Otte vnd grase Burkart von Hohemberg gebrüder vnd wir mit in getan hettin vmb den midemhofe in dem dorff ze Bondorff denKilchensäcz die lehenschaft der selben Kirchen vnd ouch vmb daz vogtrecht der selben Kirchen bekanten mir vns daz wir desz wol indahtig warend vnd haben ouch den brief verhört vnd bekennen vns daz der selb kouff also zu gegangen vnd beschenhen ist mit aller lutung dingen vnd Worten als ir kouffbrief darumb lutet vnd fett vnd desz ze vrkund so haben mir vnser aigen jnsigel offenlich gehenckt an disen brief der geben ist an dunrstag vor dem Balmtag nach Cristus geburt druczehen hundert jär dar nach in dem fünf vnd sübenczzigosten jar.

B. d. Orig. im Landesarchiv zu Karlsruhe. — Kleines, rundes Siegel mit drei eckigem, quergetheiltem Schilde. Umschrift: S'. «voSolK. eoitis. 6. LuKenberß. (Letztes Wort sehr undeutlich.)