stifts zu Ehingen.

Wir Leupolt von gots gnaden Hertzog zu Österreich zu Steir zu Kernden vnd zu krain graue zu Tyrol etc. Tun kund, daz für vns komen die erbern vnser lieben andechtigen .. der probst vnd das Capitel derStifft in Sand Mauricien kilchen gelegen zu Ehingen, bv Rotenburg an dem necker vnd baten vns diemüticlich, daz wir in gerächten bestetten vnd vernümen die gnaden freiheit vnd Recht, die Si nach irer briefen lutt vnd sage von milent den edeln vnsem lieben Öhemen graf Rudolf von Hohemberg dem eltern vnd gras Hugen von Hochemberg sinem Sun seligen hettin. das haben mir getan vnd bestetten vnd vernümen in ouch die wissentlich mit dem Brief dauon emphelhen wir den edeln vnsem lieben Ohemen, allen grauen, vnsern lieben go- trumen allen freien Herren rittern vnd knechten, Lantuögten vögten vnd ambtlüten und sunder vnserm Houbtmann daselbs zu Rotemburg an dem necker, wer ie der ist, vnn wellen ernstlich daz ir si fürbazzer bei denselben gnaden frciheiten vnd Rechten vesticlich haltet vnd schirmet vnd ouch nicht gestattet daz in daran kein gemalt noch vnrecht beschech in dheinen weg «ngeuerlich. Mit vrkund diß briefs. Geben ze Baden in Ergow, an des heiligen Chrutz tag zu Herbst nach kristes gebürd drewzehen hundert iar darnach in dem vier vnd nüntzigistem Jare.

V. d. Orig. im St.»Archiv zu Stuttgart. — Mit dem beschädigten Siegel des Ausstellers.