Wir graf Rudolf von Hohemberg veriehen offenlich vnd tun kunt mit disem brief, daz mir gelühen haben reht vnd redlich vnd lihen mit vrkund disz briefz dem erbern man Hansen dem amman ally di gut die chünrat amman sälig sin bruder zü dem dorff ze bühel von vns zü lehen gehept Hand, an holtz, an veld besüchtz vnd vnbesüchtzt, wie sy gehaissen vnd genempt sind än geuerde, also daz er die selben gut von vns ze lehen haben sol in alle wise vnd in allem rehten, alz sy der vorgenant Conrat der amman sälig sin brüder vnd sin «or dern von vns vnd von vnsern vordern vntz her ze lehen gehept Hand. Wir behalten vns such allü vnsry reht, die mir zü dem vorgenanten lehen ze bühel haben, ob man vns da von ydt tün solle, daz vns verschwigen wäre, daz sol vns dir brief kain schad sin, an weder sust noch so. Vnd dez zü vrkünd daz disz stet vnd war belib, dar vmb so geben wir disen brief, versigelt mit vnserm «igen jnsigel der geben ist an vnser fromn tag in der vasten, do man zalt von Cristy gebürt Drivtzehen hundert jar in dem sechsten vnd sechtigisten jar.

V. einer Abschrift aus dem IS. Jahrh. St.'Archiv zu Stuttgart.

— 535 —