Wir Gräff Rudolfs von Hohemberg vergenhen offenlich mit vrkund diß briefs für vns vnd alle vnser erben vnd lügen kunt allen den die disen brieff lesent oder hörent lesen, Daz vns wernher von Nünhusen burger ze Esselin gen den man nemmetKnüsslin vndHainrich vonNünhusen sin brüder geben vnd bezalt hänt Vierzehenhundert guldin guter vnd genemer guldin guter an golde vnd swärer genüg an gewiht an der schulde die sie vns gelten sollen vnd schuldig waren von deß köffes wegen als wir In ze toffent gegeben haben daz halbtail der vesti ze Nünhusen vnd daz halbtail deß dorffes ze Nünhusen lut vnd gut was dar zu gehöret mit allen rehten vnd mit aller zügehörd Ren harten säligen tailvon Nünhusen Ritters, daz von vns lehen ist, als die köffbrieff fagent, die mir In dar vmb gegeben haben. An allain vsgenomen hundert guldin vnd drizehen guldin die vns noch vsse stand vnd vnuergolten sint an der vorgesagten schulde.

— 7SS

Vnd dar vmb so sagen wir sie vnd ir erben für vns vnd für alle vnser erben der vorgesagten vierzehen hundert guldin gar vnd gentzlich quit ledig vnd lose, vnd nieman me dar vmb furo Haft noch gebunden än allain vsgenomen hundert guldin vnd drizehen guldin, die vns noch an der selben schuld vsse stand vnd vnuergolten sint. Vnd diß alles zu ainem waren vrkund vnd offener gezügnüst, so haben wir der obgenant Gräff Rudolfs von Hohemberg vnser aigen Jnfigel offmlich gehenket an disen brieff. Der geben ward in dem iar do man zalt von Cristus gebllrtte drüzehenhundert iar vnd fünffü vnd Ahtzig iar an dem nutzsten zinstag vor dem Hailigen Crist tage ze wihennähten.

B. d, Orig. im St.-Archiv zu Stuttgart. — Das Siegel ist abgefallen.