Wizslaw, van der ghnâde godes vurste to Huyen, bekennen vnde betûghen ôpenbâre in dessen brêuen, dat wi mit berâdenem müde vnser trùwen râtgeuen vnde man hebben redelken vurkoft tu êneme êwighen kôpe vnsen râtmannen vnde oldermannen vnde den mènen burgheren tu deme Stralessunde vnse muntepenninghe vnde munte vnde wesle dàrsulues tùme Sunde vryg lu besitlende, tu dùnde vnde tu lâtende mede, aise we se hadden, vnde de munte v nde de wesle en seal nergen wesen in vnsen landen vnde in anderen Steden wen tu deme Stralessunde, men vnse muntepenninghe beholde wi vnde vnse erfnâmen buten imme lande vnde in

Steden, als wi se vorne hadden. Vur dessen ewigen köp hebben se vns gegheuen düsent mark wendischer penninghe. Hir enböuen hebben se vns vnde vnsen erf- nämen dor Ieue vnde dor vruntscup weder gegeuen, dat wi binnen twintich yären van paschen, de du kommt, tu welken paschen wi willen, desse stucke mügen wedder köpen vör dat sulue gelt, were dat öck dat wi ofte vnse erfnamen it yd vmme desse ding helden, alse ere breue spreken, de en dar vp vör gegeuen sint van vns vnde van vnsen olderen. Hir was öuer: her Hinrich van Dechowe, her Siuerd van Plone, her Johannes vnde her Conrat Dotinberch, her Rickold vanme Schmachteshaghen, her Uicfte Vettt, her Nycolaws van Starcowe, plebän tu Bart, vnde Jgentttfte tfete, vnse voghet. Tu er betüghinghe desser ding hebbe wi vnse yngesegel vür dessen bref ghehenghet. Dat scüde töme Sunde, na godes bort düsent iär drehundert iär negentein iär, des vridäghes na mylvasten.

Aus J. A. Dinnies handschriftlichem Diplomatarium civitatis Stralsundensis, nach dem mit dem herzoglichen Siegel besiegelten Originale im Archive der Stadt Stralsund. Auch ge druckt in Gesterding Fomm. Magazin, VI, S. 2.