Alberd vnde Johan, van der godes gnade heren Iho Mekelenborcb, tho Star garden vnde tho Rozstock, bekennen vnde bethughen öpenbäre in desseme breue, dat wi mid guden willen vnde na räde vser trüwen man hebbet ghedeghedinghet mit vsen leuen bolen, iungheren Claweze vnde Bernde, heren tho Werle, also alse hyr nä beschreuen sleyt: thöme Arsten, dat wi en vnde eren rechten erfnämen läten de slote, stede, land vnde man, de hyr nä beschreuen stän: thöme ersten Bard, stad, land vnde manscap, vnde allet dat dar binnene is, Ribbenitze, slad, land vnde man, Marlowe, stad, land vnde man, Tessyn, stad, land vnde man, Suiten, stad, land vnde man, Sternenberghe, stad, land vnde man, dat hüs thör Eldene- borch, land vnde man, Bukowe, stad, land vnde man, Cropelin, stad, land vnde man, menliken vnde besunderen alle desse stede vnde land hyr vöre benömet, also alse se begrepen sind in erer schede, langh vnde breed, vnde mid der manscap, vortmer dat hüs tho Stekeborch, stad, vnde dat land tho Mone, als id licht an siner schede, mid aldusdäner beschedenheyth: were dat wi afghinghe äne erue, so scolen vse wyph ere liflike dingh besitten mid vreede äne ienegherleyge hynder. Vortmer were dat vs ieneghe land edder slote vnde man na desser thid anvillen edder an- storuen, de läte wi en, vnde se Scholen en nä hulden, also desse vöre dän hebbet, de hir vöre benömed sind. Vortmer mid wene id vsen vörebenömeden bolen schelet, des schole wi weldich wesen minne edder rechtes binnen ver wekenen: künde wi des nicht dön, so schole wi en behulpen wesen mid ganzer macht. Vortmer were dat wi tosämende wat tö woruen, des schal vns wesen de twe del vnde vser bolen dat dridden del. Hyr hebbet öuer wesen: her Johan Kosse, her ägjppolB 13ere, her Johan Vmmereyzeghe, riddere, Clawes Hane, Hinrik van Bulowe, Arnd Lewitzowe, knapen. Tho ener belhüginghe al desser vöreschreuener stucke so hebbe wi vse ingheseghele henget vör dessen breef, de gheschreuen is tho Gnoyen, na godes boorth druteynhundert iär in deme ver vnde vertighesten iäre, des dingse- däghes vör sunte Marien Magdalenen däghe.

Nach dem Originale im grossherzogl. meklenburg. Geh. u. Haupt-Archive zu Schwerin, gedruckt in Lisch Gesch. des Geschlechts Hahn, B, S. 35, Nr. 205.