^^isslaus, dei gracia princeps Ruyanorum, vniuersis Christi fidelibus presens scriptum intuentibus salulem in dominos empiternam. Sciat felix natio presentium et futurorum, quod ex speciali gracia, consilio et voluntale fidelium consiliariorum nostrorum perpetue dedimus et contulimus dilectis nobis consulibus, oldermannis totique com- munitali ciuitatis Stralessundis oinnem proprietatem et libertatem totius agri ad vtilitatem ciuitatis circumquaque emti et emendi, cum omnibus villis et villarum proprietatibus siue bonis de dicta ciuitate circulariter ad vnum miliare, quas villas aut que bona suis denariis emere poterint a quocumque, de quibus nobis aut noslris successoribus nullum seruitium aut laborem facere tenentur, nec aliquam exactionem vel precariam nobis nostrisque successoribus et officialibus erogabunL . Volumus insuper propter beneficia nunc et sepius nobis impensa, vt arbitrium statuant, quodcumque voluerint, in ciuitate et suis proprietatibus, habentes com hoc per se plenam conducendi quemlibet potestatem. Nullus burgensium, cuiuscumque con- ditionis fuerit, citabitur extra ciuitatem dictam, sed iudicio et iustitia fruatur a prima fundatione ciuitatis solita sub omni iure Lubecensi, quod prelibate nostre ciuitati Sundensi donauimus, ita libere, sicuti Lubecenses tarn in ciuitate sua, quam suis proprietatibus perfrui liberius dinoscuntur. Nulla prorsus castra, munitiones et propugnacula per nos aut nostros successores seu a quoquam debent construi propius dicte ciuitati, quam ad duo miliaria propter terre nostre seu dicte ciuitatis commodum et profectum, et si quod edificatum fuerit, destruatur. Forum et adductio frumentorum cum ceteris vniuersis comestibilibus et singulis necessariis nullatenus

prohibebitur tam incolis terre nostre, quam extrañéis, cum suis mersibus dictant ciuitatem Sundensem adiré volentibus, sed strata communis ad inducendum singula absque omni occupatione libera permanebit. Monetam etiam nostram nusquara habere volumus, quam in dicta ciuilate nostra Sundensi, in qua subaduocatus nullo modo ponendus est absque consensu et volúntate predictorum consulum et older- mannorum, aut ipsi iudicabunt pro nobis et semetipsis, ne quis iudicio negligatur. Quicumque insuper in memorata nostra ciuitate Sundis iustis sententiis proscribitur, ille in omnibus ciuitatibus terre nostre ius Lubecense habenlibus exlerminabitur proscribendo. Vt autem hec omnia predicta robur perpétue firmitatis optineant, sigillo nostro iussimus communiri. Testes huius rei sunt: Henricus de Dechowe, Cifridus de Plone, Conradus et Jobannes Dotenberch, Rickoldus de Smachteshagen, UtC&O Dire, milites, dominus Nycolaus de Starkowe, plebanus in Barth, et 3$enntttgue IStVt, noster aduocatus, et alii quam plures fide digni. Datum et actum in ciuitate nostra Stralessundis, anno domini (I)0. CCC°. XIX0., in dominica qua cantatur Letare.

Aus J. A. Dinnies handschriftlichem. Diploiuatarium civitatis Stralsundensis, nach dem mit dem fürstlichen Siegel besiegelten Originale im Archire der Stadt Stralsund.