CJLIV.

aquinus) dei gratia Rex Norwagie. Aduocato, consilio et communi lubi- censis ciuitatis salutem in christo. Scripsi||mus vobis prius in hyeme super pace habenda inter nos et concordia, set quia litteras vestras nondum super hoc recepi- mus, pauca || vobis ad presens scribimus, set spe.confisi meliore, quod pacem nobiscum et amicicias velitis obseruare, vnde || mercatores nostros ad uos adhuc transmittimus cum rebus vobis necessariis. Quapropter vniuersitatem vestram nos petimus, ut eos cum beniuolentia recipiatis et amicabiliter sub vestra protectione protegatis, quod ad nos vestris mercatoribus diuertentibus faciemus. Rogamus etiam, ut licenciam eis libere concedatis emendi ea, que sibi viderint necessario expedire, precipue bladum, farinam et brasium, licet aliis mercatoribus eandem licenciam negaueritis asportandi, quia volumus et decens est, ut, si amicicia inter nos pura debet et perfecta reformari, ut mercatores nostri et vestri hinc inde inter nos transeuntes ad vsus et vtilitates nostrorum locorum libere emant, que melius utris- que viderint conuenire. Valete.