CXXIII.

Li nomine sancte et indiuidue trinitatis. Johannes et Gerhardus fratres, dei gracia Comites Holtsacie et Stormarie. Vniversis || Christi fidelibus, ad quos presens scriptum peruenerit, in salutis auctore gaudium cum salute. Notum sit omnibus, ad quos presens scrip||tum peruenerit, quod inter nos et Lubicenses tante familiaritatis et amicicie lex est contracta, vt, quamdiu jus administracionis ha|jbueri- mus in Civitate Lubicensi, mutuis nobis ad invicem debeamus consiliis et auxiliis suffragari. Nam quicumque terram nostram hostili turbacione impugnauerit vel inuaserit, Lubicenses nobis tenebuntur assistere, et contra quoslibet terre nostre invasores nos fideliter adiuuare. Ad hoc tamen obligati non erunt, vt ad expedi- cionem faciendam extra terre nostre terminos nos sequantur. Quicumque eciam hominum Ciuitatem Lubicensem interius in iure et libertate sua turbauerit, vel exterius Ciuitatem impugnauerit, nos cum nostris contra quoslibet Ciuitatis molesta- tores interiores sev exteriores tenebimus Lubicensibus impendere consilium simul et auxilium oportunum. Et vt Ciuitas Lubicensis ab incursione hostih sibi possit securius prouidere, nos turrim nostram in Travenemunde Ciuitati Lubicensi commisi- mus pro beneplacito ipsorum et commodo edificandam et sub eorum custodia possidendam toto eo tempore, quo commissio Ciuitatis nobis conceditur retinere. Pro expensis vero ad turris custodiam faciendis seruiet Ciuitati tota villa Travene- munde cum judicio eiusdem ville. Serviet autem eis sub eo iure, quod Wichbelede dicitur, adiecto eis in subsidium expensarum passagio, quod est in eadem villa, et eo passagio similiter, quod Godenmanneshusen communiter nuncupatur. Finito vero jure administracionis, quod in ciuitate Lubicensi habuimus, vel(si) per occasionem aliquam soluta fuerit amicicia, que inter nos et ciuitatem fuerat contracta, Lubicenses nobis turrim et villam Travenemunde cum judicio et cum duobus passagiis sine contradictione qualibet restituere tenebuntur, refusis tamen ipsis a nobis expensis primum, quas circa turris edificium expenderunt. Adjectum est eciam, quod nos toto administra- cionis nostre tempore Ciuitatem Lubicensem conseruabimus in eo jure et hbertate, quam ante commissionem nobis factam Ciuitas noscitur habuisse. Eodem tempore

1247. Febr.22. 121

locus ille, qui priwalk dicitur, ad communes usus vacabit tam nobis quam eciam Ciuitati Lubicensi. Item eo tempore, quo administracionem siue tutelam Ciuitatis Lubicensis gerimus, de moneta et de judicio Ciuitas nobis centum marcas argenti annis singulis exhibebit, et ad ipsam Ciuitatem tam monete quam judicii procuratio pertinebit. Igitur ut hec omnia firma maneant et illibata commissionis tempore, presentem paginam sigilli nostri munimine in sufficiens testimonium dignum duximus communire. Ego enim Gerhardus, sigillo carens, recognosco de mea esse voluntate et consensu facta, que in hac pagina sunt conscripta, ac sigillo dilecti fratris mei roborata pro nobis ambobus. Testes hujus rei sunt dilecti et fideles nostri: Heinri- cus et Otto, fratres de Barmezstede, Marquardus faber,. Marquardus de Beienflet, Luderus de Rekelekesdorp, Georgius de Hammemburg, Marquardus de Rennowe inarscalcus et frater suus Bertoldus, Hartwicus fihus prefecti, Elerus de Bokewolde, Godescalcus prefectus, Oddo de Kelingdorp et Eggo filius fratris sui, Doso de Helle, Elerus de Ottenebutle, Burchardus de Odezhuthen, Tymmo de Porsuelde, Godescalcus de Reuetlo, Elerus de Reuetlo, Hartwicus Stormere et alii quam plures. Datum anno gracie MCCXLVII, Octauo kal. marcii, In cathedra beati Petri apostoli.

!\'ach dem Originale, mit dcm Siegel des Grafen Johann, auf dcr Trese.