V.

In nomine sancte et individue trinitatis. Ego Heinricus, Dei gracia Lubicensis ecclesie antistes. Officium cure pastoralis, ad quod nullo nostri merito, sed sola superne miserationis dignatione vocati sumus, exigit, quatenus in novella plantatione Christianitatis, in qua positi sumus, religionem promoveamus, servicium dei instau- remus, instauratum, prout possumus, confirmemus. Ea propter notum esse volumus, tam posteris quam presentibus Christi fidelibus, quod in civitate Lubeka juxta fluvium, qui Wocnice dicitur, cenobium in honorem sancte dei genetricis Marie sanctique Johannis apostoli et evangeliste ac sancti Auctoris archiepiscopi, necnon et sancti Egidii confessoris, construximus, ibique monachos juxta professionem regule beati Benedicti collocavimus. Ad quorum sustentationem obtuhmus sancte Dei genetrici et virgini Marie ac sancto Johanni evangeliste aliisque patronis ejusdem loci medietatem ville Ranziveld in XXX mansos extendende, IIIIor mansos ex hiis dicte ecclesie, IIHor nobis ad allodia habenda reservatis, addito eis riuo Pramice. Ecclesiam vero ejusdem ville episcopali dignitati reservantes, quicquid a rivo prenominato invenitur in agris ejusdem ville, in areis, in pratis, in pascuis, in silvis, cultis et incultis, preter duos mansos ecclesie ejusdem ville consignatos, mediam partem sancte dei genitrici et virgini Marie et aliis patronis prememorati cenobii obtulimus, rehquam mediam partem episcopalibus usibus reservantes. Ceterum quicquid trans rivum, qui Pramece dicitur, usque ad terminos adjacentium villarum invenitur, in agris, in pascuis, in pratis, in silvis, cultis et incultis, ex integro sancte et piissime Dei geni- trici Marie ahisque patronis supradicti cenobii obtulimus. Preterea mediam partem decimationis in villa Gladebrugge majori et in villa Gladebrugge minori et in villa, que dicitur Stubbekesthorp, eidem sanctissime virgini Marie ahisque patronis in pre- dicto cenobio obtuhmus. Vt autem hec oblatio inconvulsa permaneat, presentem paginam in testimonium geste rei veritatis conscribi et sigilli nostri impressione fecimus consigmhi. Eorum nomina, sub quorum sunt hec acta presentia, subsequenter jus- simus annotari. De Clericis: Ethelo majoris ecclesie prepositus, Odo decanus, Arnoldus custos, Sibernus, Rodolfus, Odehicus, Canonici ejusdem ecclesie; Helmoldus, Moyses, presbyteri. De laicis vero Lieveradus, Libertus Flamingus, Libbertus Lancing, Wicgerus, Gerardus de Stendale, Sifridus Crispus, Sifridus de Sosat, Sigewinus et alii quamplures. Hanc igitur oblationem auctoritate beati Petri, apo- stolorum principis, et potestate, nobis a domino concessa, banno confirmavimus. Si

8 1177.

quis igitur eam in posterum, quod absit, imminuerit seu abstulerit, vel ordinem monasticum in predicto cenobio immutaverit, anathema sit, et in egressu anime sue a corpore eandem dominam dei genetricem Mariam cum aliis patronis ejusdem loci in presentia districti judicis sibi adversantes inveniat. Acta sunt autem hec anno dominice incarnationis M C LXX VII, Indictione Xma.

Nach dem in der Urkundcnsammlung dcr Schleswig- Holstcin-Lauenburgischen Gesellschaft fiir vaterldndische Oeschichte Bd. I. Nro. I. enthaltenen Abdrucke des in dem koniglichcn Archivc zu Kopcnhagen be/indlichen

Originalcs.