CCLXXVII.

iilos Johannes dei gracia Boemie et Polonie Rex ac Lucemburgensis Comes, ad vniuersorum noticiam volumus tenore presencium peruenire. Quod nos attendentes grata et fidelia, que fidelis noster Paulus Ciuis Znoymensis, nobis exhibuit, et exhibere poterit serui- cia, Curiam nostram in villa Schattow sitam, cum agris et aliis quibuscumque pertinentiis suis, sicut ipsam tenuimus, damus tempore perpetuo, conferimus et donamus iure proprietatis tenendam, obligandam, vendendam, aut commutandam cuicumque placuerit, eo iure, quo vtitur, ita quod nullus Purchrauiorum nostrorum in Castro nostro Znoymensi residencium, aut villicorum ibidem aliquis ius aliquod aut facultatem aliquam in ipsa Curia sibi vindicet, nec aliquod grauamen sibi inferat, sed idem Paulus et Heredes sui, aut horum succesores, cum Ciuitatem nostram Znoymam Steuram seu exaccionem dare contingerit ipsam Steuram de Curia predicta secundum estimacionem et imposicionem Ciuium tunc persoluant. In cuius rei teslimonium presentes literas fieri et Sigillo nostro majori iussimus communiri. Datum Prage, anno domini Millesimo Trecentesimo Vicesimo Quinto. XIIII°. Kalend. Aprilis.

(Orig. membran. cum sigillo majori bene conservato in archivo ejusdem civitatis.)