XXX.

In nomine Domini. Amen. Ne rerum gestarum memoria per decursum temporis deperiret, sapientum introduxit auctoritas, et consuetudo laudabilis approbauit, ut ea, que geruntur in tempore ad eterne rei memoriam scripturarum testimonio perennentur. Eapropter Nos Johannes Dei gracia Olomucensis episcopus notum facimus uniuersis presentes literas inspecturis, quod Nobiles Viri Witko de Swabenicz siue de Hermanicz, Hrabissius de Clynouicz, siue Trawnik, Nicolaus de ipso Swabenicz, Johannes de Bukouin dicti, feruore almi spiritus inflammati in nostra constituti presencia Jus Patronatus ecclesie in eodem Swa benicz, quod ad ipsos et progenitores eorum pertinuit ab antiquo, cum prediis, decimis plenis omnium prediorum ad ipsam ecclesiam iure Parochiali spectancium, ac aliis utilitatibus, per- tinenciis et iuribus suis uniuersis Honestis ac Religiosis Viris Preposito, Conuentui, et ipsorum successoribus Domus Zderasiensis per eosdem progenitores ipsorum fundato, Ordinis S. Augustini sacrosancti Dominici Sepulcri Jerosolimitani Pragensis Diocesis dederunt, donarunt, tradi- derunt liberaliter, et de speciali gracia, et in eosdem fratres ac ipsorum successores ex sua certa sciencia et unanimi voluntate pro suo suorumque remedio peccaminum transtulerunt per eos ac successores ipsorum semper et in perpetuum iure proprietatis et dominii haben- dum, tenendum et libere ac pacifice possidendum, renunciantes pro se ac suis heredibus ac successoribus quibuscunque ipsi iuri Patronatus, suisque pertinenciis et iuribus uniuersis, que ad ipsos pertinent, vel quantumcunque poterunt pertinere. Insuper omnis iuris Canonici, Ciuilis, consuetudinis, priuilegii, statuti, restitucionis in integrum auxilio, nec non excepcioni Juris et Facti cuiuscunque persone vel uniuersitati indulto, accionique doli mali, et in factum accioni, et cuiuscunque alterius iuris auxilio, quod eis vel eorum heredibus aut successoribus contra omnia vel singula predicta, vel aliquid predictorum competit, vel modo quolibet posset competere in futurum. Recognouerunt quoque, et veraciter sunt protes'tati coram nobis, quod ipsum Jus Patronatus cum omnibus supradictis ad ipsos Fratres et Domum ipsorum predictam de iure pertinet, et dudum pertinebat ex causa donacionis ab ipsis Progenitoribus suis Fra

2^

tribus ipsis facta, quanquam propter delictum unius persone eodem iure ipsi Fratres fuerunt spoliati. Petentes quatenus donacioni siue tradicioni predicte nostrum assensum beneuolum dignaremur de benignitate solita impertiri, ac ipsam ex officii nostri debito confirmare. Nos igitur attendentes peticiouem dictorum Nobilium racionabilem atque iustam fauore religionis piis ipsorum desideriis annuentes, donacionem, tradicionem, et translacionem predictam ratam et gratam habentes auctoritate, qua fungimur, confirmamus, volentes et concedentes ut pre- dicti Viri Religiosi ecclesiam supradictam per se vel per Vicarium secularem Clericum ofliciare debeant, ac ibidem amministrare Sacramenta. Ad hec promittimus, ut predicti Reli giosi Viri omnes fructus ecclesie prefate, quocunque nomine censeantur, suis usibus valeant applicare, sustentacione Vicarii, seu Seruiarii congrua reseruata, Juribus eciam Legatorum Sedis Apostolice, nostris, ac Archidiaconalibus in omnibus semper saluis. In cuius rei testi- monium et robur perpetuo valiturum presens scriptum fieri, et sigilli nostri iimnimine iussimus roborari. Actum et datum in Brunna anno Domini millesimo trecentesimo nono, XIV. Kalendas Nouembris. Indiccione VII. Pontificatus vero nostri anno septimo.

(Excussum apud Dobner „Monumenta" IV. p. 282. secundum autographum archivi Zderasiensis.)