CCCLXXX.

Johannes Episcopus Servus Servorum Dei venerabili fratri.. Episcopo Pragensi Salutem et Apostolicam Benedictionem. Sicut tuam frater credimus prudenciam non latere vacante dudum ecclesia Maguntina per obitura bo. me. Mathie Archiepiscopi Maguntini, cuius quidem ecclesie provisionem adhuc agente in humanis dicto Archiepiscopo certis causis rational»ilums, que ad hoc nostrum induxerunt animum ea vice, nostre ac apostolice sedis dispositioni duxeramus auctoritate apostolica reservandam, decernentes extunc irritum et inane si secus per quoscunque scienter vel ignoranter contingeret super hoc attemptari. Nos eidem ecclesie de pastore ydoneo providere volentes ad personam venerabilis fratris nostri Henrici Archiepiscopi Maguntini dirigentes intuitum mentis nostre ipsum de fratrum nostrorum consilio eidem ecclesie prefecimus in Archiepiscopum et pastorem, sicut in litteris nostris inde confectis plenius continetur. Quocirca fraternitatem tuam attencius exhortamur sano tibi nichilominus consilio suadentes quatinus tanquam eorundem Henrici Archiepiscopi et ecclesie Maguntine suflraganeus eidem Archiepiscopo velut vero ipsius ecclesie Prelato, et nulli alii sie pareas efficaciter et intendas, eidem oportunis favoribus assistendo, quod proinde nostram et ciusdem sedis uberiorem promerearis gratiam, ac ipsius Archiepiscopi captes tibi benivo- lenciam et tua circumspectio debeat merito commendari. Datum Idibus Martii Anno Terciodecimo.

In eundem modum . . Episcopo Olomucensi .. Episcopo Eystetens» .. Episcopo Herbipolensi . . Episcopo Constanciensi . . Episcopo Curiensi . . Episcopo Argentinensi . . Episcopo Wormaciensi . . Episcopo Verdensi . . Episcopo Hildesoniensi . . Episcopo Helber- sterdensi. . Episcopo Pardeburne'nsi. . Episcopo Augustensi.

(Ex autographo Regesto Johannis, papte XXII. anni XIII. tom. VII. pag. 122. epist. 536. in Tabulariis Vaticanis desumsit Dr. B. Dutlik.)