Aos Johannes dei gracia Boemie et Polonie Rex. Sacri Romani Imperij citra monles Vicarius generalis, et Lucemburgensis Comes. Notum facimus vniuersis et singulis,

43^

tam futuris, quam presentibus, Quod nos, considerantes feruens desiderium, quod Socer noster, dominus Wencezlaus, Inclytus quondam Boemie et Polonie Rex pie memorie ad fundacionem Claustri Sanctimonialium in loco, qui Ortus Regis dicitur, ante Brunnam habuit ad instanciam Karissime Consortis nostre domine Elyzabeth Illustris Boemie et Polonie Regine, ob Reuerenciam et honorem domini nostri Jesu Christi et gloriosissime matris eius virginis Marie, ac sancte Elyzabeth electe, ibidem Claustrum sanctimonialium Ordinis Predi- catorum fundari fecimus, quod eciam Ortum Regis volumus nuncupari. Predictam Consortem nostram fmidatricem ipsius Ecclesie constituentes eius votis et precibus annuendo, et domine Katerine Relicte quondam Tassonis de Lomnicz suisque Consanguineis et affinibus ipsum locum pro Regimine duximus committendum, Dantes eisdem, ac aliis sororibus, que se ad dei cultum et famulatum ibidem receperint, Pomerium nostrum, Turrim cum tota Curia, et Ortum, que vsque ad hospitale omnia plenius se extendunt, prout ad nos pertinent, seu pertinebant tenenda, et possidenda perpetuo, in remedium animarum Predecessorum, et Pro- genitorum nostrorum, et omnium animarum requiem sempiternam, Volentes vt dicta bona, mie eisdem dedimus, nullus presumat impetere, vel aliqualiter impedire. In cuius rei testi- monium presentes literas fieri fecimus, et Sigillorum nostrorum munimine roborari. Datum Brune XV°. Kalendas Julij, Anno domini Millesimo, Trecentesimo, Duodecimo, Regnorum tero nostrorum Anno Secundo.

(Orig. membrun. cum sigillo majori bilaterali rupto in archivo ejusdem monasterii apud C. ß. Gubern. Brunte sub lit. A. n. 1.)