CCCXCIV.

i\ouerint vniuersi presentes literas inspecturi, quod Ego Margareta Relicta quondam domini Yngrami de Vngersperch, Sana mente et corpore, de consensu et voluntate patris mei, domini Ade de Chonicz et Matris mee, fratrumque meorum, et ceterorum amicorum meorum, filiam meam vnicam Sdyncam, quam Jure naturali vtpote vnicam prolem materno amplector amore, ad laudem omnipotentis dei, sueque genitricis Marie virginis gloriose, Monasterio Monialium Aule Sancte Marie in antiqua Brunna, Cysterciensis ordinis, Olomu censis dyocesis diuino famulatui mancipaui, et ipsi Monasterio Aule Sancte Marie, nomine ipsius filie mee lego, dono et deputo in bonis dotis seu dotalicij mei super villa Ywanowicz, Quinquaginta Marcas Pragensium grossorum Morauici ponderis, Sexaginta quatuor grossos pro Marca qualibet computando. Insuper pie deuocionis affectum, quem ad gloriosam dei genitricem Mariam virginem predictam et ad Monasterium prefatum ipsius nomine insignitum, Aulam Sancte Marie, gessi et babeo, volens opere demonstrare, IUud animaduertens, quod nullius operacio boni, operante spe remuneracionis destituat, ymmo pro impensis Singulis quibusque caritatis operibus centuplum ewangelica veritas repromittit, hac itaque spe cre- dulitatis inducta lego, dono, et deputo de predictorum parentum et fratrum meorum assensu et bona voluntate dicto Monasterio Aule Sancte Marie alias Quinquaginta Marcas predic torum ponderis et monete de dote siue dotalicio meo super predicta villa Ywanowicz, in prefati conthoralis mei, quondam domini Yngrami de Vngersperch, et meorum, necnon pro- genitorum meorum veniam peccatorum et animarum remedium salutare, hoc adiecto, quod ipsam villam Ywanowicz, seu peccuniam Centum marcarum, super ipsam sepiusfato Mona sterio Aule Sancte Marie legatam, donatam et deputatam, ad tempora vite mee, tenere, habere et possidere debeo pacifice et quiete, Si vero relicta sede viduali, vita mea in aliquem alium forsitan mutaretur statum ita quod sepedicta villa Ywanowicz a me Jure et licite exsolui possit et debeat cum pecunia, extunc ipsa pecunia, qua villa Ywanowicz sepius- fata a me exsoluta fuerit, de consensu et bona voluntate domine abbatisse, tociusque Con- uentus Monasterij Aule Sancte Marie sepius memorati in alias hereditates bona seu vsus tales per me conuertetur et conuerti debet quod ipsum Monasterium me non existente de prelibata pecunia Centum marcarum non fraudetur, prominens bona fide sine dolo contra huiusmodi meam numquam venire donacionem per me seu per interpositam personam verbo

303

uel facto publice vel occulte, Sed eam ratam et firmam inviolabiliter obseruare, Et ut pre- senti donacioni maioris firmitatis robur accedat, Consensusque Patris mei et Matris mee fratrumque meorum clarius elucescat, Sigilla Patris mei sepiusfati domini Ade de Chonicz, et meum necnon dominorum terre quorum subscripta sunt nomina, domini Henrici Capitanei Boemie, Domini Johannis Capitanei Morauie, fratrum de Lypa, Domini Jesconis de Crawar, Camerarij Zude Olomucensis, Domini Hartlybi de Boscowicz, Camerarij Zude Brunnensis et Znoymensis, Domini Pothe de Wyldenberch, et domini Czirnonis de Poppicz, quos ad hoc rogaui, ad euidencius testimonium, Sigilla presentibus sunt appensa. Actum et Datum in Aula sancte Marie Monasterio supradicto, Anno Domini Millesimo, Trecentesimo XXX°. Sexto Kalendas Februarij. , f

(Orig. membran. cum VIII. panis sigillis beue conservatis in archivo ejusdem monasterii apnd C. R. Gubcrn. Brun.r sub Lit. A. n. 62.)

cccxcv.

Johannes de Mezefiö donat monasterio Sarensi villam Trautmannsdorf cum jurepatronatus ecclesie ibidem. Dt. Bruno! VI. Kalend. Februar ii 1330.

In nomine Domini Amen. Nos Jobannes de Meserizc ad vniuersorum noticiam volumus in perpetuum peruenire, Quod quia nobis diuinitus inspiratum aduertentes solum eos fore felices qui pro operibus misericordie salutari vicissitudine repensantur sencientes, quod tempore nouissimi Judicij non precum, sed tantum iusticie patet locus. Quare anime nostre de perpetuo et salubri remedio ex temporalibus cupientes providere sempiterna, Igitur deli- beracione prematura et consilio nostrorum amicorum accedente pariter et consensu viginti laneos et curiam cum quatuor laneis in majori villa que Trautmannsdorf volgariter nuncupatur, sita iuxta Paulwizc cum iure patronatus Ecclesie ibidem, Judicium, prata, vineas cultas et adhuc in futurum extruendas, siue colendas, et cum alijs Juribus, pertinencijs atque vtilitatibus intus et foris prouenientibus, quocunque eciam nomine censentur, sicut jam dicta bona rite et racionabiliter Jure hereditario nobis ex nouo reemimus, que nostra fuerunt quondam, aput Heinricum de Hermanizc, filium sororis nostre, pro Centum Marcis Morauici pagamenti, ita sincero corde et pura deuocione sub honore omnipotentis Dei, et sue genitricis Marie virginis gloriose, et preclari confessoris Sancti Njcolai, Viris Religiosis domino Conrado, abbati in Sar, suisque successoribus confratribus eiusdem Monasterij damus et offerimus principaliter propter Deum quiete et pacifice possidenda perpetuo, Nichil Jiffis aut dominij nobis neque nostris posteris in prenotatis bonis reservamus, Sed omnem Jurisdiccionem siue potestatem in sepedictos fratres transferimus integraliter et ex toto, nichilominus asserentes eos habere verum Jus possidendi, vendendi alienandi faciendique de iam sepedictis bonis quidquid eorum placnerit voluntati, Sciendum quod im Uns heredum nostrorum neque eorum posteri, amico- rumque nostrorum linea consanguinitatis uel affinitatis nobis coniunctus racione illius iam sepedictos fratres vnquam queat a prenotatis laneis, siue bonis, curticulis, que sunt quatuor- decim, et a quibuslibet alijs ad omnia prefata pertinentibus, per aliquam impeticionem atque

304

pecuniam separare. Vt igitur huius donacionis et constitucionis, testamenti, robur perpetuum habeat firmitatis, eciam sicut hec donacio iuste facta est, sie eam contra omnium bominum malignitatem habere volumus stabilem firmitatem. In huius rei testimonium presentem paginam perpetuo valituram nostri Sigilli robore, nec non istorum nobilium Dominorum sigillorum appensione duximus consignatam. Testes per apposicionem sigillorum suorum sunt hij, Dominus Heinricus de Lypa, Capitaneus Serenissimi regis Bohemie Summusque Marchalcus, Dominus Johannes de Lypa Capitaneus Morauie, Dominus Hartlibus, Camerarius, Dominus Johannes de Crabarn, Dominus Gerhardus de Kvnstat, Dominus Poto de Wildenberch, Dominus Zmjlo de Primyslavia, et plures alij fide digni. Datum et actum Brunne tempore placiti generalis, Anno Domini M. CCC. XXX°. VI°. Kalendas Februarij.

(Orig. membran. cum VIII. parvis sigillis, e quibus ultimum avulsum est, in archivo ejusdem monasterii apud C. R. Gubern. Brunf f i sub tit. A. VI. n. 200. Excussum apud Steiobach. II. p. 60.)