CDXXI.

Aos Mechtildis miseracione diuina Abbatissa, Agnes Priorissa, Hedwigis Sub- priorissa, Totusque Conuentus vallis sancte Marie in Ozlauia Cysterciensis ordinis, Olomu censis diocesis, ex vna, et Magister Sdizlaus Rector ecclesie in Droscowicz dicte diocesis parte ex altera ad vniuersorum noticiam tenore presencium volumus peruenire. Quod super litibus, causis, questionibus, et controuersijs, super decimis ville Droscowicz, aliquamdiu inter nos subortis, dirimendis, et amicabiliter decidendis, in discretum virum, Magistrum Petrum de Wockinstad, plebanum de Prerouia presentem, et in se sponte hoc arbitrium suscipientem, voluntarie, sine omni coaccione, ex certa sciencia, nec per errorem conpro- mittimus tamquam in arbitrum arbitratorem, laudatorem, diffinitorem seu amicabilem compo- sitorem, et communem virum. Dantes et concedentes eidem arbitro nostro plenam et liberam potestatem, In causis litibus, et questionibus super decimis predictis, arbitrandi, laudandi, amicabiliter componendi statuendi et finiendi, Ita tamen quod dictum arbitrium, laudum com- promissum in Oppido Ywanschicz, proxima secunda feria post diem sancte Trinitatis Hora tercia, de plano, sine strepitu, et figura Judicij, staudo vel sedendo, Juris ordine seruato, vel non seruato, in scriptis vel sine scriptis, nobis presentibus vel absentibus, et prout melius sibi videbitur expedire, debeat pronunciare. Promittimus insuper ad inuicem per so— lempnem stipulacionem parere et obedire dicti Magistri Petri laudo, dicto, pene, arbitrio, pronunciacioni, precepto, seu preceptis, et in nullo contrauenire, quacumque racione vel causa seu modo, de iure vel de facto, verbo vel opere, per nos, vel per interpositas per

41*

324

sonas, que inter nos super aliquo premissorum dixerit, pronunciauerit diffiniuerit, seu fuerit arhitratus, et quod contra eius preceptum, laudum pronunciacionem non appellabimus, nec aliquod rescriptum impetrabiimus, nullam excepcionem opponemus, nec restitucionem in inte grum petemus, quodque non vtemur cuiuscumque legis, vel Canonis, statuti seu consuetudinis .beneficio, quod viciet vel inposterum viciare seu infirmare valeat huiusmodi compromissum, seu arbitrium in totum vel in partem, Siue ex persona arbitri, siue ex personis nostris, seu ex forma compromissi, seu ex rebus vel causis, de quibus est compromissum, siue qua- cumque alia racione. Si autem quod absit alteruter nostrum contraueniret in aliquo premis sorum, et dictum arbitrium, laudum pronunciacionem plenarie non seruaret, parti seruanti Sexaginta marcas grossorum Pragensium Morauici ponderis et numeri pene nomine dabit, et nichilominus causam perdet, Necnon omnia dampna expensas, et interesse tenebitur re- sarcire, In quorum omnium testimonium et fidem pleniorem presens scriptum Sigillis nostris duximus muniendum. Actum in Ywanschicz, Anno domini Millesimo Trecentesimo Tricesimo primo, proxima secunda feria post ascensionem domini presentibus Religioso viro, domino Fridrico Abbate Welegradensi, ac Honorabilibus viris dominis, Walthero in Wolframskirk Preposito, et Heinrico Ecclesie in Wolframicz Rectori, Necnon Salomone vicario perpetuo in Ywanschicz et alijs quam pluribus fide dignis, ad predicta vocatis specialiter et rogatis.

(Orig. membran. cum duobus sigillis parvis bene couservatis in archivo monasterii „Aula S. Mariae" apud C. R. Guben). Brunte sub lit. P. n. til.t