CDXX.

Jlios Hinico Dei et Apostolice sedis gracia Olomucensis Episcopus. Recognoscimus * tenore presencium, quod literas patentes consignatas sigillo Venerabilis in Christo Patris et Domini Domini Joannis Pragensis Episcopi et Honorabilis Viri Domini Bernardi Prepositi totiusque Capituli Ecclesie Boleslauiensis de uenditione trium laneorum in Villa de Maswitz prope Znoymam sita, que spectat ad honestos et Religiosos Viros Magistrum summum, totumque Conuentum Ordinis Fratrum Crucigerorum cum stella Ordinis S. Augustini in pede pontis Prage cum consensu dicti Domini Joannis Pragensis Episcopi ac dicte Boleslauiensis Ecclesie Capituli idem Prepositus vendidit dictis Cruciferis cum stella vidimus in hec verba. Nos Bernardus diuina miseracione Prepositus Ecclesie Boleslauiensis tenore presen cium notum facimus Vniuersis, quod utilitatem et commodum nostre prepositure prospicientes possessiones eiusdem minus utiles minuatim hinc inde dispersas vendidimus de consensu et voluntate Nostri Capituli, speciali et expresso accedente ad hoc eciam consensu Venerabilis in Christo Patris et Domini Domini nostri Joannis Pragensis Episcopi, inter quas posses siones tres laneos agrorum, quos in Villa Religiosorum Virorum videlicet summi Magistri totiusque Conuentus Ordinis S. Augustini Fratrum Cruciferorum cum stella Hospitalis S. Francisci in pede pontis Prage nomine Masowitz sita, prope Znoymam habuimus eisdem Religiosis Viris summo Magistro Fratri Vlrico, totique Conuentui Fratrum Cruciferorum cum stella Ordinis S. Augustini, in pede pontis Pragensis, cum suis Juribus et pertinentiis vni uersis vendidimus, Jure hereditario pro decem Sexagenis denariorum grossorum Pragensium quam pecuniam confitemur nos recepisse ab iisdem, et adiunctis aliis pecuniis, quas pro aliis venditis possessionibus recepimus in vsus Prepositure nostre contulimus in locum illarum possessionum multo utiliores possessiones scilicet Ottwowitz, Vgezdetz et Sasam comparantes Jus proprietatis, quod in laneis ipsis, et ipsorum Juribus et pertinentiis, ibidem in dicta Villa Massowitz nos et nostra Boleslauiensis Ecclesia habuimus, in Jus et proprietatem pre- dictornm Magistri et Conuentus duximus transferendum, promittentes pro nobis et succes- soribus nostris predictam venditionem nullo unquam tempore rescindere, nec eidem in aliquo contraire, renunciantes exceptioni pecunie non numerate nec electe, et omnibus aliis ex- ceptionibus Juris Canonici et Ciuilis, et Consuetudinibus regni, quibus posset predictus contractus venditionis rescindi vendituris aut annullari. Acta sunt hec in domo Pragensi predictorum Crucigerorum cum stella Anno M°.CCC°.XXXI°. quinto Nonas Maij in presentia

323

honorabilium D. D. Magistri Thome Archidiaconi Pragen. Domini Pape Capellani Mathei Prepositi Pontensis Magistri Wolkini decretorum Doctoris Nicolai Scholastici Boleslauiensis testium et aliorum plurium fide dignorum, in cuius rei testimonium et robur perpetuo va- liturum presentes literas fieri et sigillo presentis Domini Joannis Pragensis Episcopi, ac Capituli presentis Boleslauiensis Ecclesie procurauimus, nec non et nostro speciali jussimus communiri. Nos vero Jaroslaus Decanus Nicolaus Scholasticus Joannes Custos totumque Capitulum Bo leslauiensis Ecclesie predicte in signum consensus nostri presentibus nostri Capituli Sigillum duximus appendendum. Nos autem Dei gracia Pragensis Episcopus hanc venditionem de bonis trium laneorum et agrorum in Massowitz supradictis per Prepositum et Capitulum Boleslauiensis Ecclesie factam considerantes eidem Ecclesie utilem, et profuturam eam ratam habentes, et gratam presentis scripti patracinio approbantes confirmamus, sigilla nostra pre sentibus in testimonium appendentes, in quorum testimonium omnium premissorum Nos Hinco prefatus Olomucensis Ecclesie Episcopus presentes literas duximus nostro sigillo muniri in robur perpetuo duraturum.

(Ex original! in archivo Praepositurae s. Hippolyti ordinis Cruciferorum cum rubea stella.)