CDIII.

Vniuersis fratribus Ordinis fratrum Minorum et Sororibus Ordinis Sancte Clare presentem literam inspecturis, Ego frater Martinus dictorum fratrum Minorum per Bohemiam et Poloniam Minister et seruus fieri cupio manifestum, quod me in Znoyma constituto Reli- giosa Christi ancilla soror Margareta Abbatissa sororum ordinis sancte Clare in Ciuitate prefata, cum suarum sororum Collegio vniuerso mihi, attencius supplicarunt, quod eis partem orti fratrum tribuerem, videlicet a nouo choro usque ad murum qui est contra plateam iudeorum, allegantes racionabiliter et discrete, quod tempore ignis nusquam habeant intra suum Monasterium locum tutum refugij, sed oportet eas exire de Monasterio cum magno dispendio sui honoris atque rerum, similiter eciam allegabant quod tempore gwerre vigiles

311

faciunt eis maxima incommoda, vigilantes super murum, qui est satis vicinus dormitorio ip- sarum, per quos possent dampna et vituperia non modica sustinere, nisi eas dominus omni- potens munere gracie sue defensaret, Quarum allegacionibus racionabilibus ac precibus multum obnixis inclinatus, consilio habito cum fratribus qui tunc aderant, scilicet, fratre Nicolao Custode Pragensi, fratre Petro de Naczerad Custodie (sie) Morauie, fratre Czaslao Custode Grecensi, fratre Alberto Gadiano (sie) sancti Jacobi in Praga, fratre Francisco Lectore eiusdem loci, Accedente niebilominus ad hoc tam Gadiani Znoymensis, uidelicet fratris Nicolay quam ceterorum fratrum eiusdem conuentus beneplacito et assensu peticionem ipsarum annui in hunc modum, Quod uidelicet a quarto pilerio noui chori murus Sororum protendatur directe usque ad murum, ortum fratrum ab orto iudeorum diuidentem, et abinde usque ad Turrim que vergit contra iudeos, si hoc a domino Rege uel a ciuibus poterunt inpetrare, Istis condicionibus semper saluis, scilicet, quod in supradicta area eis data imllnm edificium uel Capellam iuxta murum chori, uel Sacristie fratrum uel prope erigant, per quod fenestre chori, uel Sacristie fratrum eorundem possint aliqualiter inpediri, uel ignis fomentum ministrari. Item quod murus Ciuitatis qui est iuxta dormitorium ipsarum nullatenus diruatur, sed hostium per ipsum forte fiat, per quod possint ad aream eis datam tempore necessitatis intrare, Item quod loco fossati eis dati aliud fossatum in orto fratrum non fiat, et quod de hoc fratres per literas Ciuium assecurent, Item quod portula iudeorum omnino claudatur, et iuxta Turrim quadrangulam que est contra uicum iudeorum, alia fiat pro iudeis, Item quod obtineant clausuram de muro omnium menium a turri predicta usque ad murum Claustri sui, et quod menia fiant in nouo muro aream eis datam ambiente, vbi possint vigiles tempore gwerre noctis excubias obseruare, In quorum omnium robur et testimonium, Sigillum mei Officij et fratris Petri Custodis Morauie ac vtriusque Conuentus fratrum et Sororum presentibus est appensum, fratres autem Conuentuales tunc erant infrascripü, frater Nicolaus, Gardianus, frater Nicolaus Holub et frater Blasius confessores antedictarum Sororum, frater Matheus Polna, frater Nicolaus de Brunna, frater Franciscus domus predicatorum frater Nicolaus Cantor, frater Martinus sacrista, frater Henricus de Yglauia, frater Nicolaus Marcoldi, frater Franciscus nepos fratris Anthony, frater Czuscraius, preter laycos et fratres iuniores. Actum et datum in Znoyma Ann« domini M°.CCC°.XXX°. Octauo Ydus Augusti.

(Orig. memhran. cum IV. sigillis bene conservatis in archivo ejusdem monasterii apud C. R. Gubern. Bruuse sub lit. A. n. 5.)