CDXXVI.

i\ns Johannes dei gracia Boemie et Polonie Rex, ac Lucemburgensis Comes, Notum facimus vniuersis presentes literas inspecturis, Quod nos volentes dilectos nobis Ciues Ciuitatis nostre Iglauiensis fauore respicere, graciose eos a solucione theolonei per totum Regnum nostrum Boemie et Marchionatum Morauie duximus eximendos, volentes et mandantes vniuersis theolonearijs per Boemiam et Morauiam, ut nullus ab eis uel eorum altero et eorum rebus ac mercibus theoloneum exigat uel requirat. Etsi theolonearij ipsi in eo essent renitentes forsitan atque graues, tunc mandamus sub obtentu gracie nostre .. Judicibus et .. Juratis Ciuitatis eiusdem siue loci, vbi iidem theolonearij theolonea recipiunt, quod eos ad hoc teneant et arceant nostro nomine, vt Ciues ipsos cum omnibus suis mercibus libere transire per- mittant. Preterea ipsis Ciuibus graciose indulgemus, et volumus, vt a Civitate Iglauiensi usque in Jempnicz omnes Nobiles, Wladicones, aut alios quoscumque pro debitis et accio- nibus ipsis contra eos vel eorum alterum competentibus in Zudam Jglauiensem euocare absque impedimento quolibet possint et debeant licite et citare. Addicimus eciam graciose et volumus, quod omnes recipientes et assumentes incolatum eiusdem Ciuitatis Iglauiensis, hnbentes bona et hereditates liberas vbicumque, quos a solucione Berne de bonis huiusmodi dandis absoluimus, pati et dare debeant de eisdem cum ciuibus ipsius Ciuitatis contribuciones et exacciones consuetas, prout Ciuitati necessarium fuerit et eciam oportunum. In cuius rei testimonium presentes literas fieri, et sigillo nostro iussimus communiri. Datum in Tust in Vigilia Beati Bartholomei, Anno domini Millesimo Trecentesimo trigesimo primo.

(Ex original! com sigillo equestri fracto in archivo ejusdem civitatis copiavit Ant. Boczek.)

327