CXLIII.

J^ios Johannes dei gratia Boemie et Polonie rex ac Lucemburgensis, Comes. Re- cognoscimus et ad uniuersorum tam presentium, quam futurorum notitiam volumus peruenire. Quod cum fidelis noster dilectus Johannes dictus de Grecia propter fidelia sua, que Illustri domino Wencezlao, eorundem Boemie et Polonie regnorum regi, predecessori et socero nostro karissimo felicis memorie, constanter exhibuit obsequia, ac etiam pro trecentis marcis, in quibus sibi pro quibusdam clenodiis, que circa ipsum comparauerat, obligatus remanserat, munitionem et bona in Spitignew, Topolna et Scalka cum agris, pratis, pascuis, siluis, molendinis, piscationibus et aliis singulis iuribus et pertinentiis suis ex donatione et collatiöne per eum sibi factam legittime fuerit assecutus, et in sua quiete et paciiice annis pluribus tenuerit potestate, nosque donationem sibi huiusmodi rite sibi factam fidelium nostrorum, quibus de hoc plene constabat, informatione edocti, recensitis etiam seruitiis, que nobis exhibuit, exhibet, et exhibere utiliter dante domino in futurum poterit, ratam habentes et gratam innouauerimus et confirmauerimus, datis sibi litteris nostris autenticis super eo, nobis humiliter supplicauit, quatenus, cum ex eisdcm bonis nullam aliquamdiu utilitatem seu fructus aliquos ex prouentibus perceperit eorundem, permutationem, quam pro bonis in Baranow, Bradils, Prziessek, Pukilwicz et Petrowicz, sitis prope Iglauiam, cum agris, pratis, pascuis, siluis, molendinis, piscationibus et aliis singulis iuribus et pertinentiis suis, Olomucensis ecclesie, cum venerabili Conrado, Olomucensi episcopo, principe nostro dilecto, iniit et fecit, nostrum adhibere fauorabiliter dignaremur consensum. Nos igitur ipsius supplicationibus gratiosius inclinati, permutationem huiusmodi admittimus, approbamus, et auctoritate regia confirmamus, volentes, ut bona ipsa predicte Olomucensi ecclesie pleno iure pertineant, iuribusque et libertatibus eiusdem ecclesie, quas cetera bona ipsius obtinent, gaudeant, et bona episcopalia et Olomucensis ecclesie in perpetuum censeantur. Huius igitur rei testes, qui aderant, sunt. Henricus de Lipa, Johannes prothonotarius noster, Wocko de Crawar, Johannes de Mezirsiecz, Bernhardus de Czinnenburch, subcamerarius Morauie, Wznata de Lomnicz, Brunnensis et Znoymensis camerarius, Poto de Wildenberch, fideles nostri et quam plures alii fide digni. In premissorum igitur testimonium sigillum magestatis nostre presentibus duximus appendendum. Actum et datum in Iglauia, anno 31°. CCC°. decimo octauo, secundo Idus Decembris. Regnorum vero nostrorum anno octauo.

15

114