CXII.

«Johannes episcopus, seruus seruorum dei, dilectis filiis Abbati et conuentui mona- sterii Jerocensis, ordinis premonstratensis diocesis Patauiensis, salutem et apostolicam bene- dictionem. Cum a nobis petitur, quod iustum est et honestum, tam uigor equitatis quam ordo exigit rationis, ut id per sollicitudinem ofiicii nostri ad debitum perducatur effectum. Sane petitio vestra nobis exhibita continebat, quod nobilis vir, Wychardus de Tyrna, de propria salute cogitans, ac cupiens terrena pro celestibus salubri commercio commutare. , ius patronatus ecclesie in Vreting, diocesis Olomucensis, tunc ad ipsum pertinens, pro sue ac parentum suorum animarum remediis vobis et monasterio vestro in puram perpetuam elemosinam contulit et concessit intuitu pietatis, venerabilis fratris nostri, Episcopi Olomu censis, loci Diocesani, ad id accedente consensu, prout in patentibus litteris inde confectis. episcopi et nobilis predictorum sigillo munitis, plenius dicitur contineri. Nos itaque vestris supplicationibus inclinati, quod super hoc pie ac prouide factum est, ratum' et gratum ha- bentes, id auctoritate apostolica confirmamus, et presentis scripti patrocinio communimus. Nulli ergo omnino hominum liceat, hanc paginam nostre conitrmationis infringere, vel ei ausu temerario contraire. Si quis autem hoc attemptari presumpserit, indignationem omni- potentis dei et beatorum Petri et Pauli, apostolorum eius. se nouerit incursurum. Datum Amnion III. Idus Januarii. Pontificatus nostri anno primo.