CDL.

\o$ Jesco vna cum matre nostra domina Margaretha, ac fratribus nostris singulis», dicti de Crzysans, profitemur et protestamur vniuersis presentem literam inspecturis, quod dilectus genitor noster nostre bone memorie dominus Wznatha, quondam dictus de Skuhrow, filie sue Katherine Ordinis beate Clare in Znoyma, sorori nostre, rite et racionabiliter legauit et assignari mandauit, de bonis suis proprijs XX. Marcas grossorum denariorum Pragensium, ponderis et numeri Morauicalis, pro ipsius indigencijs subleuandis. Et quod nos predictam summam pecunie simul ad presens habere non possimus eidem Sorori nostre duas Marcas censuales in villa nostra dicta Podole assignamus, et dare promittimus singulis annis bina vice, Marcam videlicet in festo sancti Georgii, et Marcam in festo sancti Wenceslai bona fide et concordi animo, omnibus friuolis excusacionibus et inpedimentis semotis, Tamdiu quousque dictas XX Marcas, similiter eidem plene et integre persoluamus. Si vero, quod absit, ipsam mori contingeret celerius, extunc predicta censuacio, modo consimili Sorori Ophce eiusdem Monasterij, amite nostre dare debetur. Ea vero mortua ad Jutkam domini Thassonis filiam, et Cunkam filiam domini Jesconis de Mescerhicz, eiusdem ordinis et pro- fessionis, nostras patrueles sepedictus Census equaliter pertinebit, seu spectabit. Ipsis vero decedentibus ex hac vita ad aliquam Sororem ipsarum ibidem pertinebit quecunque eis pro- pinquitate seu familiaritate adheserit. Et tandem post mortem istarum omnium spectare debet ad Conuentum. Quandocunupie autem XX marcas modo iam dicto eisdem sororibus assignabimus, tunc liberi erimus et exempti a sepedicta censuacione. Insuper adicimus, quod si sorte nostra per diuisionem distrahi contingeret seu deriuari inter nos extunc promittimus omnes concorditer vna manu, predictam Summam XX Marcarum iam dictis sororibus assignare, antequam diuisionem bonorum inchoemus se incipiamus. Et ad hoc exequendum et explendum' dominus Thasso de Scuhrow et dominus Benessius de Mezyrzyecz vna nobis- cum fideliter conpromittunt. Insuper si forte, quod absit, predictus census eisdem Sororibus, vt premittitur, per nostram incuriam aut negligenciam non daretur, extunc predicti domini patrui nostri dominus Thasso et dominus Benessius licite in bonis nostris vbilibet debent et possunt recipere Censum neglegtum, et ipsis Sororibus assignare, omni nostra contrarietate semota. In quorum omnium testimonium et robur Sigillum meum proprium ac Sigilla domi- norum Thassonis et Benessij presentibus sunt appensa. Datum et actum.

44

346

CDU.

Johannes, papa XXII. commitit Friderico, archiepiscopo Rigensi Visitationen* et reformationem monasterii Daubrawnicensis ob exorbitantiam abbatissce Ofcce. Dt. Amnione XVIIII. Kal.

Februani. 1333.

Johannes Episcopus Servus Servorum Dei venerabili Fratri Frederico Archiepiscopo Rigensi salutem et apostolicam Benediccionem. Salutis et prosperitatis commoda ecclesiarum et monasteriorum omnium. quorum vigilancia curis nostris est superni dispensatoris provisione commissa, summis desiderijs affectantes opem et operam quatenus nobis gratia divina concedit, prout debemus, libenter impendimus ut in ecclesijs ac monasteriis ipsis adeo vigor vigeat debite discipline, quod apud illa divini cultus celebritas floreat, ecclesiastice ac regularis honestatis observancia niteat, felicisque temporalis status duratura continentia non obsistat. Exhibite siquidem nobis petitionis tue series in nostram noticiam introduxit, quatenus quedam Neptis tua Ofka nomine Monasterii sancte Crucis in Dubraunik ordinis sancti Augustiui Olomucensis Diocesis, quod progenitores tui ut asseris construxerunt et dotarunt, et in eo ius obtinent patronatus, fore dinoscitur Abbatissa. Quodque abbatissa eadem prout ad te pervenit relatibus fide dignis, sie exorbitat in moribus, ut verisimiliter presumatur ipsam prebuisse ac prebere deviationis causam Monialibus Monasterii antedicti, et quod Abbatissa prefata curam spiritualium et temporalium eiusdem monasterii adeo negligit, quod in eo Religionis observantia non habetur, et ibidem alimentorum necessitas reperitur. Cum igitur premissa ex quibus non immerito te affligi percepimus, correctionis apostolice licentiam et providenciam opportunam exposcere videantur. Nos super hiis officii nostri debitum prout tenemur exolvere, ac indempnitati dicti Monasterii occurrere salubriter intendentes, tuis etiam humilibus et devotis supplicationibus inclinati, fraternitati tue auctoritate nostra visitandi. corrigendi, et reformandi predictum Monasterium tam in capite quam in membris per te vel aliquam personam ydoneam quam ad hec duxeris deputandam que tu vel persona ipsa visi- tationis correctionis et reformationis officio repereritis indigere, dictoque Mouasterio de statu salubri et prospero providendi. Contradictores quoque per censuram ecclesiasticam sublato appellationis obstaculo compescendi. Non obstante. si aliquibus communiter vel dhisim a sede apostolica sit indultum quod excommuni'cari, suspendi vel interdici non possint per litteras apostolicas non facientes plenam et expressam ac de verbo ad verbum de indulto huiusmodi mentionem, plenam atque liberam tenore presencium concedimus potestatem. Datum Avinione XVIIII. Kal. Februar» anno XVII.

(Ex autographo Regesto Johannis, papte XXII. anni XVII. part. II. epist. 1333. in Tabulariis Vaticanis desumsit Dr. B. Dudik.)