LXXIX.

l\os Johannes Bohemie et Polonie rex ac Lucemburgensis Comes. Notum esse volumus vniuersis. Qaod nostri fideles et dilecti abbas et conuentus monasterij Zabrdovicensis

56

in nostra necessitate nobis plurima seruicia et nostris officialibus exhibuerunt et fecerunt, exercituique nostro procedente versus Hungariam et alibi redeundo, vbi in bonis, hominibus dampna non modica intulerunt, satisfacientes votis nostris in hac parte, dolentes igitur super damp'nis huiusmodi ipsos Abbatem et Conuentum et successores eiusdem monasterij Zabrdo- vicensis nostre regie munificentie remedio, seu releuamine clemencius, vniuersis hominibus in bonis et possessionibus ipsius monasterij residentibus et signanter in Seraticz cum omnibus pertinencijs, videlicet pascuis ibidem cum flumine, piscacionibus, venacionibus et metis tentis, habitis, pleno iure et dominio ac iure ciuili ciuitatis Olomucensis, damus et concedimus omnimodam libertatem temporibus perpetuis duraturam. Harum quas sigillis Magestatis nostre sigillari fecimus. Si qui autem, quod absit, contra hanc nostre donacionis vel constitutionis authoritatem attentare aliquid presumpserint, penam decem marcarum, auri puri statuimus, eos mulctari in nostram Cameram soluendarum et successorum nostrorum. Datum in Skalicz VIII° Kal. Augusti anno domini Millesimo Trecentesimo decimo quarto(?)regnorum vero nostrorum anno tercio.H

(Ex Annalibus Ms. ejusdem monasterii f. 72. apud C. R. Gubern. Brunse.)