CCCLXIX.

llinko dei et apostolice sedis gracia episcopus Olomucensis omnibus imperpetuum. Digne agimus et iusta racione mouemur, dum eorum que se nobis et ecclesie nostre seruiles exhibent et fideles recompensemus seruicia fauore et gracia speciali vt eo feruencius et prompcius, nostris et ecclesie nostre insistant obsequijs dum fauorem nostrum et gracianl sibi liberalius senserint profuisse. Hinc est, quod nos attendentes fidem puram deuocionemque sinceram, quam fidelis noster Wlczko de Domka vasallus noster dilectus ad nos et ecclesiam nostram gerit, considerantes eciam grata et prompta seruicia, que predecessoribus nostris et ecclesie nostre predicte, non parcendo rebus et personis prestitit actenus, prestat ad presens, et prestare magis prompte poterit in futurum, sibi et heredibus suis. In villa Rykouicz de- cem laneos ortum et tabernam ibidem, in Nemytecz villa decem laneos,. In villa Samyrsk sex laneos et in Scalicz villa septem laneos minus vno quartali, quod olim antiquum fuit feodum, cum pratis, piscacionibus, siluis, pascuis, rubetis, aquis aquarumue decursibus, iuribus, libertatibus ac aliis pertinencijs vniuersis, damus, donamus et concedimus per presentes in feodum et iure feodi, capituli nostri Olomucensis expresse ad hoc accedente consensu sa- . pienti pro se et heredibus suis legittimis et omnibus ex eis per lineam masculini sexus legittime descendentibus imperpetuum tenendum, habendum, possidendum et vtifruendum, per eum et heredes suos predictos, et perpetuo cum suis vtilitatibus, iuribus, libertatibus et per tinencijs vniuersis, sie tamen quod Wltzko ipse vasallus noster dilectus vel heredes sui nobis, successoribus nostris et ecclesie nostre predicte cum vna galea bona et sufficienter parata racione predicti feodi, in nostris successorum nostrorum episcoporum et ecclesie nostre predicte necessitatibus seruire teneantur. Saluo, quod feodum ipsum, in nullam aliam personam extraneam sine nostra speciali licencia, vendicionis, permutacionis seu quouis alio alienacionis titulo transferatur. Dantes sibi et heredibus suis predictis desuper in testimonium presentes literas nostri sigilli appensione munitas. Nos quoque Jenczo decanus Sboro pre- positus magister Johannes archidiaconus, magister Stephanus Snoymensis, Wytko Preczla- uiensis, Bartholomeg Prerouiensis archidiaconi, Micul, Wentzeslaus et Ratiborius canonici, totumque capitulum nostre predicte Olomucensis ecclesie, nostrum presentibus beneuole ad

285

hibemus consensum, et in testimonium consensus et robur perpetuo valiturum sigillum capituli nostri Olomucensis predicti presentibus duximus appendendum. Actum et datum in Olomuntz in presencia fidelium nostrorum vasallorum Michaelis et Wenczussii de Boraw Sobye- chirdonis de holessaw Stephani de Pustmir et theodorici ibidem, Anno MUlesimo Trecentesimo vicesimo octauo IX°. Kalendas Octobris.

(E codice chartaceo I. p. 32. in archivo capituli Olomuc. asservato copia\it Ant. Boczek.)