CCCLIII.

«Johannes Episcopus Servus Servorum Dei Dilecto filio Johanni nato Clare memorie Wenzeslai Regis Boemie Preposito Ecclesie Wissegradensis Pragensis Dyocesis, Salutem et Apostolicam Benedictionem. Consuevit apostolice sedis circumspecta et copiosa benignitas votis illustrium et aliarum sublimium personarum Deo et ecclesie devotarum condescendere gratiose, ac plerumque suadentibus causis rationabilibus super illis gratiosius dispensare, que sacri canones interdicunt. Ex tenore siquidem petitionis carissime in Christo filie nostre Elizabeth Regine Boemie lllustris pro parte tua nobis oblate percepimus quod olim tecum super defectum natalium quem pateris de coniugato genitus et coniugata quo eo non obstante posses ad

273

omnes ordines promoveri et ecclesiasticum beneficium obtinere per sedem apostolicam extitit dispensatum. Cumque postmodum in Pragensi Olomucensi et Wissegradensi Pragensis Diocesis ecclesiis Canonicatus et prebendas ac Capellam sancti Procopii in Antiqua Brunna cui animarum cura non imminet Olomucensis diocesis succesive fuisses alias tamen canonice assecutus illosque aliquandiu retinuisses fructus redditus et proventus percipiens ex eisdem ac ex eo quod preter formam dispensationis eiusdem, Canonicatus et prebendas ac Capellam prefatos extiteris assecutus et fructus redditus et proventus perceperas supradictos, te con- scientie scrupulus remorderet, teque super hoc ad gratiam sedis apostolice recurrente tecum quod dictos Canonicatus et prebendas nulla tamen de dicta Capella ob petitionis super hoc pro parte tua oblate defectum habita mentione posses licite retinere nec non quod preter eosdem canonicatus et prebendas, dignitatem vel personatum seu officium cum cura vel sine cura si tibi alias canonice conferri vel offeri contingeret una cum Canonicatibus et prebendis eisdem libere recipere predicto defectir ac generalis Concili i et qualibet alia constitutione contraria nequaquam obstantibus per nostras certi tenoris literas duximus dispensandum omnem infamie et inhabilitatis maculam sive notam in te ex predictorum Canonicatuum et prebendarum ac Capelle etiam retentione et fructuum reddituum et proventuum predictorum perceptione, quos tibi de gratia speciali remisimus et donauimus adversus te quoquomodo obortas de apostolice potestatis plenitudine abolendo ac nichilominus Carissimi in Christo filii nostri Johannis Regis Boemie Illustris pro te tunc nobis super hiis humiliter supplicantis tuisque supplicationibus inclinati tecum, quod eandem Capellam una cum dictis Canonicatibus et prebendis ac dignitate, personatu vel officio huiusmodi licite retinere valeres sepefato defectu et eisdem ac quibuscumque aliis constitutionibus contrariis nequaquam obstantibus de speciali dono gratie per alias nostras litteras duximus dispensandum. Nos igitur sperantes quod crescentibus in te nostris et eiusdem sedis gratiis crescent in te merita et virtutes, ac volentes personam tuam tum propter grandium virtutum tuarum merita, et dona multi- plicium gratiarum quibus sicut testimonio fidedignorum accepimus, te Dominus insignivit tum etiam ob considerationem eiusdem Regine pro te nobis super hoc humiliter supplicantis dono prosequi gratie amplioris tecum quod defectu predicto aliquatenus non obstante, ad Episco- palem dignitatem, si ad eam alias canonice te contigerit evocari, licite possis assumi, dummodo tunc in Subdiaconatus ordine constitutus existas, auctoritate apostolica de speciali gratia dispensamus. Nulli ergo etc. nostre dispensationis infringere etc. Datum Avinione V. Idus Octobris Anno Duodecimo.

(Ex autographo Kesjesto Johannis, paps e XXII. anni XII. part. II. pag. 27. epist. 1076. in Tabulariis Yaticanis desumsit Dr. B. Dudik.)