CCCXVII.

Johannes Episcopus Servus Servorum Dei Dilecto filio Hinconi Electo Olomucensi Salutem et Apostolicam Benedictionem. Pastoralis officii debitum exigit, ut inter solicitudines varias, quibus assidue premimur, circa statum Ecclesiarum omni um solertiam adhibentes ipsarum utilitatibus intendamus in eo maxime, ut viduatis, ne longe vacacionis incommoda patiantur, celeriter nostre diligentie studio provideatur substitutione pastorum, per quorum circumspectionem providam et providentiam circumspectam eedem Ecclesie illius cooperante dementia, qui pastorum pastor et rector agnoscitur, spiritualiter et temporaliter suscipiant incrementa. Dudum siquidem bone memorie Conrado Episcopo Olomucensi Regimini Olomu censis Ecclesie presidente nos intendentes eidem Ecclesie cum eam per ipsius Conradi obitum, vel alio quovis modo vacare contingeret, secundum cor vestrum ydoneam et utilem preesse personam provisionem ipsius ecclesie cum ut prefertur vacaret ordinationi et dispositioni nostre duximus specialiter reservandam, decernendo extunc irritum et inane, si secus super hiis per quoscumque quavis auctoritate scienter vel ignoranter contingeret attemptari. Postmodum vero prefata Ecclesia per obitum eiusdem Conradi Episcopi, qui nuper in partibus illis diem clausit extremum, pastoris solatio destituta, nos ad provisionem ipsius ecclesie celerem et felicem, de qua nullus preter nos se hac vice intromittere potest, reservatione et decreto predictis obstantibus, ne ipsa ecclesia longe vacationis subiaceret incommodis sollicitis studiis intendentes et cupientes talem eidem ecclesie preficere in Pastorem, qui sciat et possit dictam ecclesiam ipsius manutenere iuribus et etiam adaugere post deliberationem, quam super hiis cum fratribus nostris habuimus vigilanter, demum ad te prepositum Ecclesie Pragensis in Subdiaconatus ordine constitutum, literarum scientia preditum, vite munditia nitidum, morum honestate decorum in spiritualibus providam, et in temporalibus circumspectum, ac prout

246

etiam habent fidedigna testimonia multiplicibus aliis virtutum meritis redimitum, direximus oculos nostre mentis propter que de persona tua nobis et eisdem fratribus nostris conside- ratione premissorum accepta eidem Olomucensi Ecclesie de ipsorum Fratrum consilio auctoritate apostolica providemus, teque illi prefecimus in Episcopum et Pastorem, curam et administrationem ipsius ecclesie Olomucensis, tibi tam in spiritualibus quam in temporalibus plenarie commitendo. In illo qui dat gratias et largitur premia confidentes quod dextera Domini tibi assistente propitia prefata ecclesia per tuam industriam tuumque ministerium studiosum preservabitur a noxiis et adversis, ac optate prosperitatis augmenta spiritualiter et temporaliter consequetur. Reverenter itaque suscipiens a Domino impositum tibi onus, ipsius Ecclesie sollicitam curam geras, gregem dominicum in illa tue vigilantie creditum doctrina verbi et operis informando, ita quod Ecclesia ipsa tue diligentie studio multiplicibus gaudere commodis et optatis coope- rante dementia summi Regis consurgere valeat incrementis. Datum Avinione VI. Kalendas Octobris Anno Undecimo.

In eundem modum Dilectis filiis Capitulo Ecclesie Olomucensis salutem etc. Pastoralis officii debitum exigit etc. usque et temporaliter consequetur. Quocirca discretioni vestre per apostolica scripta mandamus quatinus eidem Electo tamquam Patri et Pastori animarum vestrarum humiliter intendentes, ac exhibentes ei obedientiam et reverentiam debitam et devotam ipsius monita et mandata salubria curetis devote suscipere et efficaciter adimplere. \lioquin sententiam, quam idem Electus rite tulerit in rebelles ratam habebimus et faciemus auctore Domino usque ad satisfactionem condignam inviolabiliter observari. Datum ut supra.

In- eundem modum Dilectis filiis Clero civitatis et Dyocesis Olomucensis Salutem etc. Pastoralis officii debitum exigit etc. usque et temporaliter consequetur. Quocirca discre tioni vestre per apostolica scripta mandamus quatinus eidem Electo tanquam Patri et Pastori animarum vestrarum humiliter intendentes, ac exhibentes ei obedientiam et reverentiam debitam et devotam ipsius monita et mandata salubria curetis devote suscipere et efficaciter adimplere. Alioquin sententiam quam idem Electus rite tullerit in rebelles ratam habebimus et faciemus auctore Domino usque ad satisfactionem condignam inviolabiliter observari. Datum ut supra.

In eundem modum Dilectis Filiis Populo Civitatis et Diocesis Olomucensis Salutem etc. Pastoralis officii debitum exigit etc. usque et temporaliter consequetur. Quocirca Uni- versitati vestre per apostolica scripta mandamus, quatinus eundem Electum tanquam Patrem et Pastorem animarum vestrarum suscipieutes devote et debita honorificentia prosequentes ipsius monitis et mandatis salubribus humiliter intendatis, ita quod ipse in vobis devotionis fiiios et vos in eum per consequens Patrem invenisse benivolum gaudeatis. Datum ut supra.

In eundem modum Dilectis Filiis Universis Vassallis Ecclesie Olomucensis Salutem etc. Pastoralis officii debitum exigit etc. usque et temporaliter consequetur. Quocirca discretioni vestre per apostolica scripta mandamus quatinus eundem electum debita honori ficentia prosequentes ei fidelitatem solitam nec non consueta servitia et iura sibi a vobis debita exhiberc integre studeatis, Alioquin sententiam sive penam quam idem Electus rite

247

tulerit seu statuerit in rebelles ratam habebimus et faciemus auctore Domino usque ad satisfactionem condignam inviolabiliter observari. Datum ut supra.

In eundem modum Venerabili Fratri. . Archiepiscopo Maguntino Salutem etc. Ad cumulum tue cedit salutis et fame si personas ecclesiasticas presertim Pontificali dignitate preditas divine propitiationis intuitu opportuni presidii et favoris gratia prosequaris. Dudum siquidem bo. me. Conrado Episcopo etc. usque et temporaliter consequetur. Cum igitur ut idem Electus in commissa sibi ipsius Ecclesie cura facilius proficere valeat tuus favor sibi esse noscatur plurimum opportunum, fratemitatem tuam rogamus et hortamur attente per apostolica tibi scripta mandantes quatinus eundem Electum et commissam sibi Ecclesiam huiusmodi pro nostra et apostolice sedis reverentia propensius commendatos in ampliandis et conservandis iuribus suis, sie eum tui favoris presidio prosequaris, quod ipse per tue auxilium gratie se possit in commisso sibi eiusdem Ecclesie regimine utilius exercere, tuque divinam misericordiam et dicte sedis benivolentiam valeas exinde uberius promereri. Datum ut supra.

In eundem modum Carissimo in Christo filio Johanni Regi Boemie Illustri Salutem etc. Gratie divine premium et preconium humane laudis acquiritur, si per seculares Principes Ecclesiarum prelatis presertim Ecclesiarum Cathedralium regimini presidentibus honor debitus impendatur. Dudum si quidem bo. me. Conrado Episcopo Olomucensis etc. usque et tempo raliter consequetur. Cum itaque fili Carissime sit virtutis opus Dei ministros benigno favore prosequi, ac eos verbis et operibus pro regis eterni gloria venerari, Serenitatem regiam rogamus et hortamur attente, quatinus eundem electum et prefatam ecclesiam sue cure commissam habens per apostolice sedis et nostra reverentia propensius commendatos ipsos benigni favoris auxilio prosequaris ita quod idem Electus tue celsitudinis fultus auxilio, in commisso sibi cure pastoralis officio, possit Deo propitio prosperari, ac tibi exinde a Deo perempnis vite premium et a nobis coudigna proveniat actio gratiarum. Datum ut supra.

(Ex autographo Regesto Johaunis, papae XXII. anni XI. pari. I. pag. 113. epist. 267. in Tabulariis Valicanis copiavit Dr. B. Dudik.)

CCCXVIU.

Johannes, papa XXII. notificat Johanni, regi Bohemice, quod Hinconem, prcepositum Prag. in episcopum ecclesim Olomucensis fecit. Dt. Amnione VII. Idus Octobris 1326.

Johannes Episcopus Servus Servorum Dei dilecto filio Johanni Regi Boemie illustri Salutem et Apostolicam Benedictionem. Regiam excellentiam volumus non latere, quod nos pridem de persona dilecti filii Hinchonis Electi Olomucensis, tunc prepositi ecclesie Pragensis nobis a serenitate Regia de probitatis et aliarum virtutum meritis commendati, Olomucensis ecclesie tunc vacanti duximus providendum. Datum Avinione VII. Idus Octobris Anno undecimo.

(Ex autographo Regesto Johannis, papte XXII. anni XI. tom. VI. epist. 882. pag. 47 in Tabulariis Vaticanis copiavit Dr. B. Dudik.)

248