CLXXX.

Aos Johannes dei gracia Boemie et Polonie Rex, Lucemburgensis Comes, Mar- chieque Budisinensis dominus. Notum facimus inspectoribus presencium vniuersis, Quod cum dilectus fidelis noster Wocko de Crawar Bona nostra infrascripta, que Friderico de Linauia in Centum marcis grossorum denariorum Pragensium Ponderis et numeri Morauici erant obligata videlicet Septem Mansos sev laneos in villa Czelechowicz sitos, super quibus quidam nostri famuli resident, et Molendinum dictum Chudowicz, cum vna Rota, in dicta villa situm, ab eodem Friderico in dictis Centum Marcis exsoluerit, de nostro beneplacito et consensu. ]Vos consideratis et pensatis seruicijs fidelibus, nobis per ipsum Wockonem exhibitis, Sibi propterea omne Jus, quod nobis in supranominatis Bonis quocumque modo uel Jure conpetit, uel potest conpetere, liberaliter conferimus, et donamus per eum et heredes suos Bona predicta hereditario Jure possidenda, perpetuo et habenda. In cuius rei testimonium presentes literas fieri, et Sigillorum Maiestatis nostre iussimus communiri. Datum Prage V. Idus Maij. Anno domini Millesimo CCC° vicesimoprimo, Regnorum vero nostrorum Anno vndecimo.

137

CLXXXl.

Johannes, prcepositus et capitulum WySehradense, vendunt bona in Moravia sita, utpote remotiora, Henrico de Lipa. Dt. Pragc e II . Nonas Junii 1321.

\Mos Johannes Dei gracia Prepositus, Regni Bohemie Cancellarius, Dirzlaus De- canus, Nycolaus Custos, Waltherus Scholasticus, Totumque Capitulum Wissegradensis Ecclesie ad Romanam Ecclesiam nullo medio pertinentis, fatemur, et recognoscimus per presentes, quod volentes condicionem ipsius Ecclesie nostre facere meliorem, Bona eiusdem Ecclesie nostre in Wolframitz in Morauia sita, cum villis videlicet Lysnitz, Selchowicz et Pochtitz, et uniuersis eorum pertinenciis, que sie longe a nostra fuerunt Ecclesia posita, quod eorum utilitatem non totam poteramus percipere, matura et diligenii deliberacione prehabita, de Serenissimi Domini nostri Johannis Bohemie et Polonie Regis, Lvcemburgensis Comitis, qui eiusdem Ecclesie nostre existit Patronus de communi nostro consilio, conni- uencia et assensu expedire et proficere Ecclesie nostre predicte non dubitantes, Nobili Viro Domino Henrico de Lypa summo Regni Boemie Marschalco rite vendidimus, omneque Jus, quod nobis, Prepositure et Ecclesie Wissegradensi predicte competit, aut competere poterat, transtulimus in eundem taliter, quod ipse Dominus Henricus, et heredes sui, bona ipsa et villas predictas cum omnibus Juribus, utilitatibus, libertatibus, Jure Patronatus in Wolframitz et pertinenciis suis uniuersis, in quibuscunque rebus consistant, cum omni Dominio, Jure et Jurisdiccione, sicut ad ipsam Preposituram, et Ecclesiam nostram pertinebant, Jure heredi- tario, et in perpetuum habeant, teneant, et possideant, eisque utantur libere, et de eis tamquam de re propria ordinent, disponant, et faciant hoc, quod eorum placuerit voluntati. pro duobus milibus Marcarum grossorum denariorum Pragensium, sexaginta quatuor grossos computando pro marca qualibet, quam quidem pecuniam per ipsum Dominum Henricum nobis et Ecclesie nostre plene et integraliter solutam et in prepositure et Ecclesie nostre utilitatem conuersam esse recognoscimus, sie quod de ipsa pecunia duorum milium marcarum. eundem Dominum Henricum, heredes, et successores suos presentibus quittamus, et liberos esse dicimus, et solutos renunciantes sponte, et libere ac sine coaccione qualibet excepcioni non numerate, vel non sohtte nobis, vel in utilitatem Prepositure et Ecclesie nostre non conuerse supra dicte pecunie, et omni alii Juris auxilio, quo iuuari possemus ad requiren- dum nostro, vel Prepositure nostre predicte nomine, ab ipso Domino Henrico, vel heredibus, et successoribus suis eandem pecuniam, in parte aliqua, vel in toto, sed eam vendicionem per nos, prout premissum est, communiter et de omnium nostrorum consilio et voluntate prefato Domino Henrico, et suis heredibus factam, ratam habere promittimus, atque firmam, promittentes contra ipsam, de Jure, vel de facto, vel alio quouis modo non venire. Renun ciantes eciam sponte et expresse omni Juris tam Canonici, quam Ciuilis, consuetudinis vel statuti, seu alterius cuiuslibet Juris auxilio, quod nobis, vel Ecclesie nostre contra predictam vendicionem competit, vel posset aliqualiter suffragari. In cuius rei testimonium presentes literas fieri, ac nostrorum Prepositi, Decani, Custodis, ac Scolastici, nec non Dominorum Hynkonis filii quondam Heymanni de Duba, Pragensis Prepositi, Magistri Ulrici de Pabyenitz,

18

138

Johannis Poloni, Magistri Volfgangi Canonicorum, ac tocius Ecclesie nostre Capituli sigillormn munimine fecimus roborari. Actum et datum Prage II. Nonas Junii anno Domini Millesimo trecentesimo vicesimo primo.

(Excussum apud Dobner Monument. IV. p. 288. n. CXX. secundum autographum archivi Zderasiensis.)