Wy Hinrick vnde Hinrick van godes gnäden hert- togen to Mekelnborch :c. vnde fursten to Wenden be kennen öpenbär vör vns, vnse eruen vnde vor alszweme, so als de duchtigen vnse redere vnde leuen trüwen Reymar van Plesse, Ludeke Hane, Hennyng Czechelin, Otto Molteke vnde HUl9$&£ JBOlCjatt to Schorssow mit vns vnde vnsen eruen vnde wy mit en vnde eren eruen dat slot, stad vnde vogedy Cummerow mit alle eren thobehöringen na lüde der besegelden breue, de vns de höchgebörnen fursten heren Barnym de iunger vnde Joachim, herttogen to Stettin, vnse leuen

öhme mit eren rederen dar vp besegelt hebben, inne hebben, so hebben wy den vörbenömeden vnsen rederen vnde leuen trüwen vnde eren eruen dat vörbenömede slot mit siner thobehöringe indäen, van vns vnde van erer wegen samptliken to uorstände, so dat se dat samptliken edder erer en deyls inne hebben scholen vp vnsen schäden vnde vrämen vnde dön vns där vp den negestkamenden sunte Mertens vnde vort to allen sunte Mertens dagen van iären to iären reken- schop aff. Vnde weret dat se vns där wes vp wunnen edder ane vorbüwet hedden, dat scholen vnde willen wy edder vnse eruen en edder eren eruen van iären to iären, de wyle se dat slot van vnser wegen inne hebben, ganczliken to dancke vnde Zünder eren schaden be- nemen. Seheget ök dat de vörbenömede vnse leue öhme van Stettin edder ere eruen mit eren rederen vnde eren eruen zodane summen goldes nömliken sosz düsent rynsche gulden mit deme vpsläge na lüde der besegel- den breue där vp besegelt to rechten tyden vtgeuen, so mögen de vörbenömeden vnse redere vnde leuen trü wen, nömlicken Reymar van Plesse, Ludeke Hane, Hennyng Czechellin, Otto Molteke vnde JLuOCftC iütOl« tjatt edder ere eruen samptlicken edder erer eyn deyls dat slot, stad vnde vogedy Cummerow wedder antwerden in der vörbenömeden vnser leuen öhme van Stettin ed der erer eruen hende zunder vns, vnser eruen vnde zunder iemandes inseggent. To erkunde vnde furder bewäringe hebben wy vnse ingesegel mit :c.

15*

_228