In godes nämen amen. — — Wy Wartislaff de oldere van godes gnäden tho Stettin, Pommern, der Wenden und Cassuben hertoge ic. und wy Erich und Wartislaff de iungere, sine sönes, hertogen :c. suluest vör vns, vnsere eruen und ewige nakomlinge bekennen und betügen äpenbär in desseme breue vör allen iennen, dede ehnen werden sehende effte hören lesen, dat wy mit rypeme räde, mit wolbedachtem möde und mit güden frien willen na räde und vollbördt unser leuen räthgeuere und triiwen mannen hebben äuerwägen und flitlicken betrachtet mit angebärner furstlicker sorg- foldecheit, wo dat unse leuen stette Stralsundt, Grips- woldt, Demmin und Anclam umme erer woldadt und mennigfoldigen denstes willen van unsen leuen olderen

und vörolderen milder dechtnus mit velen stucken und rechtigheiden unseu landen undt öck den stetten tho

främen priuilegirt und befryet sindt, und denne

unse stette vörbenendt vör uns sick där umme bekläget hebben, dat se an vorkortinge sodaner priuilegia väken tho unrechte angeferdiget und verwaldet werden, dar mennich Unwille, twistinge und twedracht van kumpt, dat alleine verdretlick isz to lidende, hirumme dorch bestendicheit willen unser herschop und des gemeinen laiulcs besten, so sind wy des gantz tho räde worden, dat wy dessen vörbenanten unsen stetten allen und einer iglicken tho sondrigen alle sodane ere prmilegia iegenwerdiglicken in krafft disses breites beleuen, be- volbörden, vast mäken und vornien und willen dar mede by, dat desse vörgesechten unse veer stette gentzlicken scholen endregen und sick an einer güden säte tho höpe holden. — — — — — Tüge deszer dinge dede hirmede an und äver gewesen sind de ßrwerdigen vädere und duchtigen manne, unse lßuen getrüwen her Lauren- tius tho Puddeglaw, her Mathias thöm Nienkampe, her Gertt tho lledensen, abbete, her Uuttt iHoItjatt thöm Stralsunde, her Hinrick Voss tho Barte, kark- heren, her Godeke van der Osten ridder, Vicke, Clas, Hinrich Owstin, Hans Plone, Siuert van Hagen, Baven Barnikow, Clausz Sthedingk, Arend Bonow, knapen, de redere der stette Gripeswoldt, Bart, Triebsees und Grimmen und vele mer truwen und löuen woll werdig. Geven undt sehen tho deme Stralsunde na gebörtt unses Itereti verteyenhundert und twe unde vefftich iär, des negesten dages na nyen iäres dage.

232