Vör allen krysten lüden, de dessen bref seen edder hören lesen, bekenne ik 3toaci)gm JßOltjali, erf- setten töme Wolde, myt mynen rechten eruen in des- seme yßghenwardighen breue, dat ik hebbe vorsettet vnde vorpandet vnde yeghenwardighen vorsette vnde vorpande in kraft desses breues deme erwerdeghen heren Diderik Sukowen präueste, Anne Heydebreken priören vnde den vörstenderen vnser leuen vröwen bröderschop tör Ver chen teyen sundesche marck pennynghe yärlikes in- gheldes van myner heruesthode vor hundert sundesche

22*

340

marck pennynghe, de my desse vörbonömede präuest tör nöghe vnde to dancke wol betält heft er der mä- kinghe desses breues, vnde desse vörscreuen teyen sundcsclic "marck gheldes desse vörbonömede präuest vnde klösteryuncvrowen alle yär scholen vnde möghen bören edder vthpanden läten van dessen nascreuen biiren van eren häuen vnde höuen, alze van deme haue vnde höuen, den nu bewant vnde büwet Brant to Bu- row, drudehalue marck yärlikes ingheldes vnde van deme haue vnde höuen, den nu bewant vnde büwet Hans Vyncke, vyf marck sundesche penninghe, vnde want to Burow, \nde vppe deme häue vnde höuen, den nu bewänt Glierke Hartych to Berckow, drudehalue sundesche marck pennynghe, vnde ik en desses vörbo- nömeden ingheldes vnde bede schal etie rechte were wesen vör allesweme, dede recht gheuen vnde nemen wyl; vnde weret my desse vörscreuen bede auelöset worde, alzo dat myn pand ys van mynen gnedighen heren van Stettyn, so schal ik see fortan wysen an myn redesten güdere, de myn erue synt, dar see alle yär desse teyen marck gheldes möghen vthbören, edder ik en denne van stunden an er vörscreuen summen pennynghe ivedder gheuen schal vnde wyl sunder yßnnegherleye yeghensegghent edder hulpewart. Alle desse vörscreuen stucke vnde artickle en yslik by syck läue ik gjOacfjgm iKoItjatt vörbonömed myt mynen rechten eruen deme vörbonömeden heren präueste, priören vnde gantzen conuente vnde besunderghen den vörsten- deren der bröderschop vnde alle eren nakömelinghen vnde alle den yenen, de dessen bref hebben myt eren wyllen, stede vnde vaste wol to holdende, sunder alle arcTi vnde äne alle geuerde. Des to tüghe vnde merer

vorwäringhe hebbe ik 3)oacfipttt üBoltjatt vöibonömed

myn inghezeghel vnde ik EuHCftC i$tOltjatt hebbe ök

myn inghezeghel myt mynes bröder inghezeghel myt

wyllen vnde myt wytschop läten henghen vor dessen

äpenen bref, gheuen vnde screuen na godes bort ver-

teyenhundert dar na in deine sos vnde sosteghesten

yäre, des sondaghes na des hilleghen lychams daghe.

Vnse vruntlike denst vnd wes wy mer leues vnd güdes vermöghen alleweghe touörn. Irluchtede, höch- gebärne furste, 1ßue here vnd ohme. Juwer leue breff an vns gesand hebbe wy lesende wol vernämen vnd alzolke werue, alzo denne iwe leue dorch den duch- tegen man Clawes Hanen vnseme leuen getrüwen rädevndmarschalke fgütficfc iHüItjattf; borichten leih, de he vns vorbath van iwer leue wegen borichten scholde :c., hebbe wy to güder mäthe deszgelik wol vernämen vnd wolden iuwer leue van herten gerne

342

vmme den willen van angesichte hebben to worden ge- reden, men wy hebben benämen daghe, alzo nu amme sondage thu Colbatz, de wy van nöth wegen nicht aff- scriven konen, tuschen den dümheren vnd den van Stettin, vnd willen vns doch gerne forderen vnd dar to schicken, dat wy des achtendages na Johannis willen wezen tippe der fiere to Tribuzes thu middage vmme alsodaner werue willen to vorhandelende, dar iwe leue vns van scrifft vnd ök Jßtttricfi iHoItjalt to vns geworuen hefft, wor wy iwer leue to denste vnd to willen mede möghen wesen, schal vns alleweghe güd willich an vinden iwe leue, de wy gade allmechtich beuelen to langen zaligen tyden. Screuen vp vnseme slate VVolgast amme dinxstedaghe na Viti et Modesti martirum, vnder vnseme ingesegele, anno domini :e. LXVII"1».

Erich van gades gnaden to Stettin, der Pome- ren hertoge vnd furste to Rugen. Dem hochgebarnen fursten vnd heren heren Hinricke hertogen to Mekelnborch vnd greuen to Sweryn, vnseme leuen heren vnd ohm. (L. S.)