Wii Hinrick von godes gnäden hertoge to Mecklen- borgh, to Stargarde here, furste to Wenden etc., van vnser vnde vnses olden ffedderen hertogen Johansz wegin, vp eyme dele, vnde wii Hinrick von der suluen gnäden hertoge to Mecklenborgh, furste to Wenden, greue to Szwerin etc., van vnser vnde vnses bröders hertoge Johansz wegin, vp deme anderen dele, heb- ben vp hüten gift disses briues vnse slot, vörborgh vnde vörwark töme Stauenhaghen entwey gesettet in disser nascreuenen wiese, also: van deme middele des dhöres an went in dat middel des bakhüses, dar die slotmiire den bäghen heft, alse de side, där de högeste thorne by deme dhöre vp steyt, geuallen ys, na gift der käuele, tho vns vörscreuen Stargardesgen heren, vnde de andere siide, dar de söd vp ys vnda de nyge käken, ys geuallen, nha gift der käuele, tho vns vör screuen Szwerinsgen heren, vnde de höghe thorne vör screuen byme dhöre, de söed vnde de bruggen alle vnde dhörbüden alle Scalen vns allen vörscreuen heren vnde vnsen eruen semmelken hören, semmelken brüken, semmelken buwen vnde betheren, vnde de ammedlüde töme thorne, tho den dörbüden, tho den bruggen vnde wechtere Scalen vns allen geliken löuen dhön vnde wii Scalen sie wedder to likemo löne vnde geliker kost holden. Vortmer de deylinge der vörborgh, dat erste

90

deyl, alz de stal vp deine orde in dat Osten iegen dem bögen thorne went tho deme veften wersülen stender, de ghemerket ys, scal bliuen by vns vörscreuen Star gardesgen heren vnde dat rüm von der wersülen an bet thöme langen stalle iegen der bruggen scal bliuen to vnser aller behüff vngedeelt. Vortmer dat andere deel: de seluen lange stal vörscreuen bet tho der plancken, de dar negest vort gemerket ys, scal bliuen by vns vör screuen Szwerinsgen heren. Vortmer dat drudde deel dat rüm van disser merkeden plancken negest screuen bet tho der anderen merkeden plancken darnegest scal bliuen by vns vörscreuen Stargardesgen heren. Vortmer dat ve rde deel von disser negestscreuenen merkeden plancken bet tör anderen merkeden plancken vort lie gest deme dhöre by der bruggen der vörborgh scal bliuen by vns vörscreuen Szwerinsgen heren. Vortmer dat vefte deel vp der anderen siiden des vörscreuen dhöres to liker delinge scal bliuen by vns vörscreuen Stargardesgen heren. Vortmer dat seste deel den ende der vörborgh vnde walles, dat scal bliuen by vns vör screuen Szwerinsgen heren. Vnde disse vörscreuen dele disser vörscreuen vörborgh al vntlanck, vnschedelk deme weghe. Vortmer de helfte des büwhäues in dat Osten, alz dat hüs vnde veestal, nha vtstickinghe des vleder- stubben in dat westen, nha deme örtstender des langen Stalles vp der vörborgh tho der öuersten brugghen werd, scal bliuen by vns vörscreuen Stargardesgen heren. Vortmer dat andere deel thö der stad ward, dar die schüne vppe steit mid deme kölhöues rüme went vp den wech scal bliuen by vns vörscreuen Szwerinsgen heren, vnschedelk deme wege vp beyden tziden in vnde vth, vnde vns allen geliike mechtigh to brüken vnde to

beterende wege vnde dhöre. Vortmer scale wii vnse möllen in der vogedigen disses vörscreuea vnses slotes alle to sammende hebben, büwen, beteren vnde neten. Vortmer Scalen vnse vogede vnde ambachtlüde disses vörscreuen vnses slotes acker, holte, wisge, güdere, dorpere, dinst vnde alle vpböringe vnde nut geliike delen vnde entwey setten vnde de käuele där vmmc warpen, wes denne melkeme to vallende ys^ des scal he sick brüken vnde dar an genögen läten. Vortmer alle gerichte vnde nut hiir bouen scalen vnse ambacht- lüde to sammende brüken vnde verdenen to liken höued- lüden, vnde wes hiir bouen vngedelt ys, scalen wii vnde vnse ambachtlüde von vnsentwegin semelken heb ben vnde brüken. Vortmer scale wii vörscreuen bereu alle vnse muren vnde plancken malk vp syme dele be- theren vnde büwen vnde nicht vorfallen läten, alz des denne not vnde behüff ys. Vortmer thorne, söed vnde dörhüs, dat vns tosämmende höret, vnde grauen vnde demme vnde wes vns vorder tohöpe magh hören to be terende, Scalen wii tosämmende büwen vnde beteren, wör des nöt vnde bohüff ys, vnser eyn deme anderen dar truwelken an to helpende. Vortmer wil wii vörscreuen heren alle vp diit vörscreuen vnse slot nyne vogede edder ambachtlude setten, äne yt sin denne vnse be lende, arfbörn manne. Vortmer hebben wii ergenante heren vör vns vnde vnse eruen, alz wii hertogh Hin rick de oldere van vnses fedderen Johansz des olderen vnde von vnserntwegin, vnde wii Hinrick de iunghere van vnses vnde vnses bröders hertoge Johansz wegin, vnder ander vnde to sämmende rechten slotlöuen vnde slotfrede tosämmende mid vpgerichteden vingheren stä- uedes eedes in den hilgen swören vnser eyn deme an

deren tni welken to holden vp disseme vnseme vör- screuen slote vnde vp allen anderen sloten, de wii sämmetliken hebben. Vnde wen vnse feddere hertoge Johan de oldere vnde hertoge Johan de iunghere, vnse feddere vnde bröder, tosämmende kömmende werden by vns, Scalen se sodanen eyt, alze hiir vörscreuen steit, in erer suluest persönen lyueftigen dhön vnde swßren, vnde alle vnse ambachtlüde, de wii vp vnse slote setten ofte settende werden, de vns tosämmende hören, Scalen sick vnderlanck slotlöuen vnde slotfreden seggen vnde sweren, alz sick dat bobört vnde slot freden recht ys. Vnde hebben disse scrift vntwerpen vnde begripen läten, na beteringe vnser rede vnde erer rüde meringe, alz na inholde vnde beteringe disser scrift eyne andere vp parmynt tösetten läten mid vnsen vör- hanghenen ingesegelen. Vnde hebben des to witscopp vnde gröter bewäringe diit in güden trüwen to holden äne alle geuerde vnse ingesegele läten vp disse scrift drucken in iegenwerdicheyt vnser liuen getrü- wen: Mauricius Vlotow, Reymar Notzentin, Hans Bar- denuled, Vicke Nortman, Wedige von Lesten, Otto Ver- eggen, SUttClt iHOltjatt, Johan Vereggen, Reymar von Plesse, Hans Vlotowen, Ludeke Hane vnde mer, de ere vnde löuen werdich sint. Geuen vnde screuen nha der gebört Cristi vnses heren virteynhundert achte- vnde druttich iär, amme midweken nha deme achten dage der hilgen drier köninge dage, töme vörscreuen slote Stauenhagen.