355

öuer dat desse erbenomeden llancn edder ere eruen wes an desseme vörbenömeden slote na vnseme räde vorbuweden, dar scholen zee vns van stenen, kalke, mü°rlöne vnde tymmerlöne rekenschopp döen, vnde wen zee vns also rekenschopp gedaen hebben, zo scholen wy effte vnse eruen en edder eren eruen dat wedder- gheuen sunder vortoch. Weret ök dat vns sunderghe veyde edder krich anvelle, zo dat wy vnses slotes be- hüeff hadden, zo schal de terynghe vns zuluen tokömen. Vnde to sunderghen zo schal Clawes Hane där int e°rste zuluen wänen [vn]de schal in vnseme schaden wesen, de wyle dat hee dar wänet vnde vnse knecht vnde amptman dar is; weret denne dat Clawes Hane an god vorstorue edder darzuluen nicht wänen wolde, welkere denne van Ludeke Hanen edder Otte Hanen edder welk van erer dryer eruen dar denne wänet, deme scholen Wy edder vnse eruen vör schäden stäen. Ok hebben vns de vörscreuen Hanen lenet viffhundert gude olde rinsche gulden, där wy en vnsen breff vp ghegheuen hebben, där wy en vör ghesettet hebben Jochim Vlotowen vnde Drewes Vlotowen töme Sture, Belowen to Nossentin, Clawes Bardenvleet, Clawes Holsten, Jochim vamme Haghene, Hinrik Smekere, Bernd van Leesten, Schonenvelde vnde Jurgen Grabowen, na vtwysinghe des breues, den wy den vörscreuen Hanen mit den erbenömeden vnsen borghen där vp vorsegheld hebben. Desse viffhundert guldene scholen vns vnde vnsen eruen de vörscreuen Hanen vnde ere eruen stäen läten sunder renthe, de wyle zee edder ere eruen de vörscreuen borch Cummerowe van vns edder vnsen eruen hebben, alse vöre vnde na ghescreuen is. Wen öuer wy edder vnse eruen edder vnse nakömelinghe de

23*

vörscreuen horch to Cummerowe wedderhebben willen edder de vörscreuen Hauen edder ere erneu de vörbe- nömede horch nicht leng vnde ere gold wedder hebben willen, zo scholen wy edder vnse eruen edder vnse nakömelinghe en edder eren eruen edder zee vns edder vnsen eruen edder vnsen nakömelinghen tosegghen to sunte .Michaelis daghe: denne des neghesten pacschen där na scholen wy edder vnse eruen edder vnse nakö melinghe den vörscreuen Hauen edder eren eruen gheuen vnde bereden viffhundert güde olde rjnsche guldene an güdeme reden golde vp ener stede amme lande to Wenden, wör en dat euenst ist. Weret dat deme zo nicht enscheghe, zo möghen vnde scholen zee edder ere eruen vns, vnsen eruen, vnsen nakömelinghen vnde vnsen börghen vörbenömet zodane viffhundert guldene affmäncn na lüde eres breues sunder vnse, vnser eruen edder vnser nakömelinghe insegghent, eer zee edder ere eruen vns, vnsen eruen edder vnsen nakömelinghen desse vörbenömede horch to Cummerowe wedder vor- antwerden, vnde wen zee de viffhundert guldene wech hebben vredesäm vnde tör nöghe, zo scholen zee edder ere eruen vns, vnsen eruen edder vnsen nakömelinghen zodane horch wedder vorantwerden mit der wintersäet vnde nicht me'r, zo scholen denne wy, vnse eruen edder vnse nakömelinghe dar to vorbäden läten vnde tör stede hebben Clawes van Oldenborch, Drewes Vlo- towen, Clawes Holsfen, Henning Pickatell, sine brödere, Hans Pickatels zönes, Enwald Veregghen, Vicken van Plessen, Hennecken van Plessen zöne, de wänet hadde to Luptze, edder ere eruen, dat de vörscreuen Hanen edder ere ernen vns, vnsen eruen edder vnsen nakö melinghen vnde en edder eren eruen wedder antwerden

357

zodanen slotlöuen, alze zee van vns vnde en entffan- ghen hebben, vnde wes zee denne hebben bauen de wintersäet, dat zy wes des zy, dat scholen zee vrede- säm vören in vnseme leyde in ere behoelt, vnde vnse büren scholen en dar to behulpen wesen vnde en dat vören. Vurder efft dyt vörscreuen slott den vörscreuen Hanen edder eren eruen, dat god affkere, afighedrun- ghen edder aflghewunnen worde, dat queme wo dat queme, dar scholen zee edder ere eruen van vns, vusen eruen edder vnsen nakömelinghen nine nöd van hebben, zunder zee möghen ere vörscreuen gold allike w[ol mjänen na vtwysinghe eres breues sunder vnse, vnser eruen edder vnser nakömelinghe weddersegghent. Weret öuer dat de Stettinschen heren dyt vörscreuen slott van vns [löseden] binnen der tyd, dat desse vörscreuen Hanen dyt slott inne hebben, zo scholen wy edder vnse eruen edder vnse nakömelinghe en edder ere eruen van deme gholde, dar dat [mede löset] wertt, ere viffhundert guldene gheuen tör nöghe vnde wol lo danke, wör en edder eren eruen dat aldei bequemest is ainme lande to Wenden; weret des nicht enscheghe, zo möghen [zee de] vörscreuen viffhundert guldene mänen nach vtwy singhe des breues, den wy en dar vp vorsegheld heb ben sunder vnse, vnser eruen edder vnser nakömelinghe insegghend. Vnde wen de Stettinschen heren dyt vör screuen slott lösen, zo möghen de vörscreuen Hanen edder ere eruen ere korne wech vören in den garuen in vnseme leyde; dar scholen en de büre in der vo- ghedye to behulpen wesen. Ok hebben vns vor vns vnde vnse eruen vnde nakömelinghe de vörscreuen Hanen vor zick vnde ere eruen enen breff na desses breues lüde vnde [inholdi]nghe wedder dar vp vorse

358

gheld, där wy, vnse einen vnde vnse nakömelinghe vns ok na möghen to hebbende wcten. Alle desse vörscreuen stucke vnde artikele vnde en [islick by] sik läuen wy Olrick hertoghe to Meklemborch :c. vnde vorste to Wenden vörghenant vor vns, vnse eruen vnde vnse nakömelinghe den vörscreuen Ludeken, Clawes vnde Olten allen heten Hanen vnde eren eruen by vn- sen vorstliken triiwen stede vnde vast wol to holdende sunder insegghent, behelpinghe vnde alle gheverde. Hir an vnde öuer sint gheweset vnse leuen ghe- tn'iwen aufteile iHOltjatt töme Grubenhaghene, Clawes van Oldenborch to Gremmelin, Flinrik Hane to Cuchelmisse, Hinrik Hane to Arnsberghe, Vicke vnde Ilinrik vedderen heten Riben to Galenbeke, Hans Hane to Basdowe vnde Henneke van der Osten to Karstorppe wönafftich vnde vele me°r tughes vnde löuen werdighe. Des to gröterem löuen vnde beter bewäringhe hebben wy Olrik hertoghe to Meklenborch :c. vnde vorste to Wenden vörscreuen vnse ingheseghel vör vns, vnse eruen vnde nakämelinghe mit willen vnde witschopp heten henghen an dessen bre'ff, gheuen an vnser stad Malchin na der börd Cristi vnses heren verteynhundert iäre amme neghen vnde sostighesten iäre, amme son- däghe alse me singhet an der hilghen kerken Remini- scere an der vasten.

S' . VLRICI. DEI. GRÄ. DVG . MAGNOPOLEN.

359