Wy Joachim van ghodes gnäden to Stetyn, der Pomeren, der Wende, der Kassuben hertoghe vnde vorste to Rugen, bekennen öpenbäre vör alsweme, där desse brßf tö kumpt, dat wy mit vnsen rechten eruen rechter wytlyker schult schuldich zynt vyff düzent ry- nescher ghuldene, de ghüt vnde vulwychtich zynt, deme höchghebörenen vorsten vnde heren hern Johanne der suluen gnade hertoghen to Mekelenborch vnde greuen

to Zwerin, vnseme leuen öme vnde zweghere, vor mede- ghyft vnde brütschattes weghene der höchgebörenen vorstynnen vnde vroyken, vrouken Annen, hertoghynnen to Stetyn, vnser allerleuesten zuster weghen, welkere vyff düsent rynesche ghuldene wy vörghenante hertoghe Joachym scholen vnde wyllen betälen vnde berßden to sunte Mertens daghe neghest kömende vort öuer ßn yär bynnen der tut to Gnoyen myt güden vulwychty- ghen rynesehen ghuldenn an eneme summen edder myt also uelen ghüden zuluerpennynghen edder anderme nöghaftyghen gholde, dar me zodane vyff diizent ghüde vulwychtyghe rynesche ghuldene mede mäken, köpen, nemen vnde betälen möghe, to ener tiit, in deme lande to Mekelenborch. Alle desse vörscreuen stucke vnde artykele vnde en eslyk by zyk löue wy vörghenante hertoghe Joachym vör vns, vnse eruen vnde vnse na- kömelynghe myt vnsen trüwen medelöueren, alse her Nyckel Thyrbach, gödesrydder to deme Wyldenbroke, her Hasse von Blanckenborch to Tzychouwe, her Hans Melsholt to deme Bruke, ÜJoJtjatt marschalk toder Osten, Clawes van Zwerin, voghet to Kummerouwe, Hinrik van Heydbreke to der Klempenouwe, olde Werner van Zwerin to Spantekouwe, Olryk van Zwerin to Span- tekouwe, Arnd Vederouwe vnde Curd Drake, borgher- mßstere to Trepetouwe, Tydeke Lepel to der Mugghen- borch, Clawes van Rammyn to Krakouwe, Hennyngh van Rammyn, voghet to Vkermunde, Vycke van Heyd breke to der Lokenysse, Albrecht van Blanckenborch to der Stoltenborch, Peppe van Buck to Menckyn, Hans van Boek to Stolp, Eggherd van Ghuntersberghe, voghet to Bernstene, Peter Steenweer to Selchouwe: wy mede- löuere vörbenömed löuen alle böuenscreuene stucke

myt vnde vör vnsen heren vörbenömed myt ener' zä- menden hant deme vörbenömeden hertoghen Johanne to Mekelenborch etc. vnde zynen rechten eruen vnde mede to trüwer hant den höchghebörenen vorstynnen vnde vorsten vrouwe Katherinen hertoghynnen vnde he ren Hinrike hertoghe to Mekelenborch vnde greuen to Zwerin, zyner leuen vrouwen möder vnde leuen brödere vnde allen den yennen, de dessen breff hebben myt des vörghenanten hertoghen Johans edder zyner eruen wyl- len in ghüden trüwen äne alle arghelyst vnde äne ghe- verde stede vnde vast to holdende. To högherer be- kantnysse vnde to tüghe aller vörghenante stucke so hebbe wy hertoghe Joachym vörbenömet vör vns vnde vör vnse eruen vnse inghezegel wytlyken läten henghen vör dessen breff, dar wy vörbenömede medelöuere myt ghantzer endracht vnser aller ingheseghele wytliken hebben mede vöre henghet. Gheuen vnde screuen na ghodes bört verteynhundert iär in deme zosvndedorty- ghesten iäre, in sunte Lambertus daghe.