219

ene där to esschet, to behulpen wesen, dat sulke to- grepe wedderlecht vnde tör nüge vorböt werde, vnde dön eme darfurder vmme, wes he em im rechten dar vor plege is to dönde. Vnde vnser eyn schal by des anderen hulpe bliuen iegen alszweme, wör vnser eyn des anderen mit vnser beider rederen to like vnde to rechte mechtich is, mit räde, mit dade, mit landen vnde lüden vnde mit aller macht, vtgenämen vnsen allergne- digsten heren den romischen koning. Vnde weret dat vnser eyn vmme des anderen willen to veyde qweme edder wy samptliken, so schal sick vnser eyn van deme anderen nicht sönen edder vreden, zundern wy hebben des kriges zampliken eynen ganczen ende, edder vnser eyn dö dat na des anderen räde. Weret ök dat vnser eyn den anderen wör to esschende worde, so schal vnser eyn deme anderen volgen mit aller macht, in aller mäthe vnde wisze, als he ene denne esschende wert, vnde wanne vnser eyn deme anderen so volget, so schal de here, de den anderen so esschet heft, deme heren mit den sinen, wanne he sine land röret vnde de wile he mit em in sinen landen is, mögelicheit scheppen mit koste vnde föderinghe, vnde weret dat wy zampt- liken furder thende worden in eyns anderen heren land, dar schal sick eyn iewelk suluen bekostigen. Vnde weret dat wy van vnsen vyenden vrämen nemen an vangen edder an reysiger haue, den schole wybüthen na antäle der lüde, als eyn wäntlick sede is. Weret ök dat wy wunnen stede, slote edder land, dar schole wy in eynem geliken deylen na antäle der lüde, vnde weret dat zodane stede, slote edder land vnser heren eyn bet belegen weren, den deme anderen, där schal de here vns anderen heren mögelicheit vör dön vnde

220

beholden mit vnseme willen na irkantnisze vnser beider redere. Vnde weret dat wy in deme krige, dat god vorbede, schäden nemen, so schal men mit deme vrämen, eft dar vrämen nämen worde, den schäden wedder leg- gen, als men furdest kan. Furder so scholen vnde willen wy vnser beyder manne vnde stede vp vnsen grenczen belegen to höpe wisen vnde wisen to höpe in crafft dusses breues, er eyn des anderen schäden to kerende vnde to wendende like sineme egenen. Furder mehr so hebbe wy Mekelnborgeschen heren vörbenömed vnseme leuen ölnne herttogen Joachim vörbenömed vnde sinen eruen gelenet twe düsend güde rinsche gulden van den sosz düsend gulden, de he vns scbuldich is vnde vp den negestkömenden vaste- läuend vörschreuen vnde vorbreuet heft to beredende na vtwisinge der breue dar vp vorsegelt, de vier düsend gulden vns so to beredende, als vörschreuen steid. Vnde desse twe düsend gulden hebben wy em in zodaner mäthe gelenet, alzo eft he edder sine eruen vns edder vnsen eruen zodane fruntlicke thozathe vnde eyndracbt nicht enhelde vnde by vnser hulpe nicht en- bleue, als vörschreuen is, vnde wy Mekelnborgeschen heren vörbenömed edder vnse eruen den vörbenömeden vnsen leuen öhme edder sine eruen mänen vnde esschen vmme de twe düsend gulden wedder to geuende, so scholen wy here Joachim vörbenömed edder vnse eruen den vörschreuen Mekelnborgeschen heren edder eren eruen de vörscreuen twe düsend gulden tör nüge bere den vnde betalen bynnen vier mänthen van der esschinge an bynnen Malchin edder Gustrow an güdeme rinschen golde to eyner tyd zunder ienigerley vortoch; weret öuer dat wy here Joachim vörbenömed edder vnse

221

eruen den vörscreuen vnsen lihien öhmen edder eren eruen zodane beredinge der twe di\send gulden, als vör screuen steit, nicht endeden, so scholen wy here Jo achim vörbenömed edder vnse eruen den vörbenömeden Mekelnborgeschen heren edder eren eruen vnse slot Cummerow mit alle siner thobehöringe antwerden vör eyn brücklick pand, so lange dat wy edder vnse eruen in der twier stede eyn, als vörschreuen steit, den vörbenömeden vnsen leuen öhmen edder eren eruen zodäne twedüsend gulden to dancke vnde tör nüge be- tälen, vnde wanne vns Mekelnborgeschen heren edder vnsen eruen zodane betälinge van deme vurbenömeden vnseme leuen öhme edder sinen eruen tör nüge sehen is, so scholen wy em dat vörbenömede slot Cumme row mit sinen thobehöringen wedder antwerden vnde holden em där rechten slotlöuen ane. Weret öuer dat där ienich vredebroke vnder vnsen mannen in vnsen landen schege mit röue edder brande, dar schal dusse vnse tozäthe vnde vorbuntnusse neynerleywisz mede vorbräken wesen, zunderen vnser eyn schal deme anderen darvmme to dägen ryden bynnen eyneme mänthe vp lechlike stede vnde behelpen deme gennen, deme sulk röff edder brand sehen is, so vele als vredebrökes recht is. Vnde desse vnse breff schal an deme vnsen zäthe breue, dar wy vns vnder eynander inne vor- bunden hebben, neynerley wisz to voruange edder to schäden wesen. Weret ök dat vnse heren wellck vörbenömed etlike siner heren edder vrunde in desse tosäthe vnde vorbuntnisse then wolde, des schole wy alle mechtich wesen, se verne de here, de dar so myt in getöget wert, vns allen vorseghelt vnde vorbrßuet sodane tosäthe vnde vorbuntnisse in eneme geliken to

222

holdende, alze vörscreuen steyt. Alle desse vörscreuen stucke vnde artikel vnde eynen iszliken by sick in desseme breue benömet läuen wy vörbenömeden beren alle van Mekelnborch vnde Stettin vör vns vnde vnse eruen vnser eyn deme anderen band in hand by vnsen furstlicken trüwen an edes stad zunder alle ge- uerde stede vnde vaste vnuorbräken to holdende mit vnsen trüwen medelöueren, nömliken Reymar van Plessen vnde Hans Piccatel to Pryllewisz, Ludeke Hane to Basedow, Jachim Plate to Wesenberge, Merten van Doren vnde Claws Valkenberch to Arnszberge, Henneke Holste to Wickenwerdere, Jachim Cruse to Verchentin, äUlDeft£ ifflolcjatt töme Grubenhagen, Lippold Wuste to Godebende, Otto Molteke töme Strituelde vnde wy borgermestere vnde rädmanne der stad Malchyn, vp eyne syd, Hinrick van Heydebreke vnde Jurgen, brödere, tör Clempenow, 3Jac$tm iHoICjatt töme Wolde, HitltrtCft JHoICjatt tör Osten, Enwalt vnde Jachim vedderen genömet de Vosse töme Lyndenberge, Werner van Swerin anders Kokemester genömet, Cord van Zwerin anders genömet Stenkop vnde Vlrick Zwerin to Spantkow, Reymar Voss vnde Jachim van lleuelde tör Muggenborch vnde wy borgermßstere vnde rädmanne der stad Treptow, vp andere syd, wy borgen alle läuen vnde seggen vor vns, vnse eruen vnde nakö- melinge mit den vörbenömeden vnsen gnedigen heren alle stucke vnde artikel vnde eynen iszliken bi sick, vtnämen vredebräke, stede vnde vaste vnuorbräken to holdende. To furder bewäringe hebben wy alle vnse ingesegele mit der vörbenömeden vnser gnedigen heren ingesegele mit witschop vnde willen hengen heten vör dessen breff, gegeuen :e.

223