Wy Barnym de iungher, van godes gnäden to Ste- tyn, to Pomeren, der Cassuben vnde der Wende her- toghe vnde vorste to Ruyen, bekennen myt vnsen eruen vnde nakömclynghen, dat wy na räde vnser tniwen re- dere, alsze een vulmachtich vörmundere Hermens van Vytzen, her Vicke van Vytzen ridders nalätenen sönes, hebben vorkofft vnde vorläten, vorköpen vnde läthen myt krafft deszes ieghenwardigen breues to eneme ewy- ghen erueköpe de halue würd, de lycht tuschen Hinric Burmesteren vnde Jacob Marlowen, sunte Katherinen höuen bynnen Wobbelkowe, vnde darsulues vppe deme velde ene halue höue ackers, de ghenömed is Coppel- manshoue, alsze de halue höue van oldynghes ghelegen heft in alle eren enden vnde scheden, — — — —, myt deme höghesten vnde sydesten rechte vnde denste, deme beschedenen manne her Peter Schouwenberghe, presteren, vicario in der kerken vnser stad Bard, dar vns her Peter wedder vöre gheuen hefft quyt vere mark iärlyker pacht, de he vorpandet hadde van deme vör- benömeden her Vicken van Vytzen, vnde darto veer- tych sundesche marke, de wy vortan hebben keren läthen in behöf vnde nuttycheyt des höues to Dyuytze,

203

vnde gheuen her Fetern vulkämene macht, de pacht der vörscreuenen haluen höuen vnde würd myt alleme rechte vnde rechtycheyt to ghestlyken almyszen to legghende vnde där by ewich to blyuende; — — —

~~?

iodoch schal de vörscreuene halue würd myt der haluen höuen vnde tobehörynghe blyuen to erue by sunte Ka terinen höue, dar nu Hinric Burmester vppe wänet, to pachtrecbte, vnde neuen denst dar van döen, vnde oft Burmester vörbenömed edder syne nakömelynghe, dede büwet de vörscreuene halue höue, vor sunte Nicolaus daghe de pacht nycht vtgheuen, so mach her Peter, edder weme he de gheuen vnde bescheiden heft, eschen den vicarium sunte Kathannen altaris, synen procura- torem edder officianten, de schal vnvorthögers vorvol- ghede pande vte deme höue antwordeu, där me de pacht van nemen mach; ofte de vicarius des nicht endede, so magh de iene, [deme] de pacht van der vörscreuenen haluen höuen vnde würd tokämen is, suluen de pacht vte deme vörscreuenen höue, där de halue höue vte büwet werd, panden, wo väken em des nöd vnde bebüf is. Vppe dat alle desse vörscreuenen stucke vnde ar- ticulen by vulkamener macht vntobröken blyuen to ewy- ghen tyden, so hebbe wy myt craft vnses gröten inghe- segels heten beuestighen dessen ieghenwardighen bref, de gheuen is in vnser stad Bard in den iären vnses heren düsent verehundart vnde vyftich iäre, in der hil- ghen die konynghe äuende. IIir an vnde öuer syn ghewesen vnse leuen trüwen redere: her U$mÖ ÜHoltjatt, vnse cantzeler vnde kerkhere to Bard, her Hennyngh van Jasmunde, ridder, her Hinric Vos, kerkhere to Grymmen, her Georrius Jorck,

204

kerkhere to der Wyk vppe Wittowe, Ratke Kerkdorp,

vaghed to deme Kalande, vnde mer de löuen vnde ere

werd syn.

Aus Albert Sckwarzen's Abschriften barthischer Urkunden Nr. 46, nacb dem Originale bei den Urkunden der Kirche zu Barth.