Wy Barnym de iungher, van godes gnäden tho Stetin hertoghe vnde furste to Ruyen, bekennen äpenbär betüghende an desseme breue vör vns, vnse eruen vnd vnse nakömelinge, dat wy na räde vnser leuen ghe- trüwen rätgheuere hir na gheschreuen hebben vntfan- ghen vnd vpghebörd to ener vullekömener nöghe van deme eerwerdighen in god väder vnde heren heren Mathia abbate vnd syneme conuente to deme Nyen- campe twelfhundert mark ghüdes lubesschen gheldes, talles vnd munte, alzo to Lübke ghenge vnd gheue synd, de wy vortan in vnse nud vnd behüf ghekeret hebben, vor welke twelf hundert mark de erghenante abbet, syne nakömelinghe vnd syn conuent scholen inne beholden alle iar na ghift disses breues de twe- hundert mark sundesch, de se vns noch alle iär pleghen to gheuende vppe Nicolai dach des hilghen bisschoppes, vnd were id säke dat wy desse vörbenömede twehundert

mark sundesch wedder to vns wolden lösen, so schule wy deine vörbenömeden abbete ofte synen näkömelin- ghen thovöreu thosegghen in den veer hilghen daghen to passchen vnde gheuen em denne vppe Martini ne- ghest volghende twelffhundert mark lübesscher munte, alze vörscreuen is, an eneme czummen, sunder vortoch edder hulperede, vnd darna des anderen iäres to Nicolai neghest volghende schal de erbenömede abbet, syne nakömelinghe vnd syn conuent vns wedder gheuen de tweehundert mark sundesch, so he vörmals plach to flrmele. Hyr synt an vnd öuer ghewesen de erwer- dighe her ÜJetttÖ iHoItjatt, kerkherre to Bard, vnde de strenghe her Hennynk von Jasmunde, ridder, vnde de duchtighen Gherd Bere, Hans van Plonen, Zyuerd van deme Haghene vnd Bauen Metzcowe :c, myd welker wysschop wy vnse gröte ingheseghel to merer bowäringhe vnde gröter bekantnisse heben heten henghen vör dessen breff, dede gheuen vnd schreuen ys töm Nyen-Campe na godes börd verteyenhundert iär därna in deme achte vnd vertighesten iäre, in sunte Mertens daghe des hilghen bisschoppes.

Nr DXXXI1I. D. d. 1448. Nov. 11.

„Henneke Axecowe wänachtich to deme Gnemere" verpfändet der Vikarei (zum Heil. Kreuze) in der Kirche zu Bützow S lüb. Mark jährlicher Hebung aus seinem ganzen Dorfe Selow. „To tüghe sint hyr an „vnde öuer gheweset de ersämen manne |^0ttItCU nüJtOltjStt dede wönachtich is to Trechowe vnde

„Hinrik Barnecowe borghemester to Butzow. To gröter „bewäringhe vnde löuen hebbe ik Henneke Axcow er- „benömet vör my vnde myne eruen myn inghezeghel „vnde wy jßtvmtn Ütoltjan vnde Hinric Barnecowe „erbenömet hebben ök to tüghe vnse inghezeghel han- „ghen läten vör dessen breff, gheuen vnde screuen na „godes bort verteynhundert iär där na in deme achte „vnde vertichsten iäre, des mändaghes in sunte Mertens „daghe des hilghen bisschoppes."