265

myt vnsen rederen nabescreuen vorscheiden vnd en- twey gespräken vnse getrüwen Hinrik van Heydebreken vnd synen söne Clawes van Heydebreke, up eyn deel, vnd Hans van Piccatel, vp dat andere deel, vmme to- spräke, de Hans erbenömet hadde to Hinrik vnd Clawes van Heydebreken vörbenömet, vnd wedderumme de sul- uen Heydebreken to dem genanten Piccatel, so alz erer beyder frunt ze vorscheyden hebben. Sodane gü- dere, alz Hinrik vnd Clawes van Heydebreke gehat vnd bezeten hebben van den güderen to Prillewitze, de ere köp- vnd pantbreff nicht inholt, de scal Hinrik vnd Clawes van Heydebreke Hans van Piccatel vnd synen eruen wedder dön vnd läten, vnd alle wüste velde vnd holte, de ze tosämende hebben, de scholen ze like deelen, dat een deel zo vele heft, alz dat ander; heb ben ök de genanten Heydebreken meer geböret vth den güderen, wen ere köp- vnd pantbreff vthwiset, alz bäuen screuen steyt, dat erer beyder frunt hebben vorscheyden, dat scholen de Heydebreken vnd ere eruen Hanse er- benömet vnd synen eruen wedder geuen vnd darumme na synem willen mäken. Där vor hebbe wy mit vnsen rederen Hansze tosecht myt der Heydebreken vulbört vnd willen desse nabeschreuen güdere: alz half Lübbe- chouw mit alle syner tobehöringe, Hoghen Tzirtze, dat Hans gelöset heft van den Bardenvleten, to Lübbechouw, Oldendorp vnd Dolghen, dat Hans gelözet heft van den Warboigen vnde van Curd van Dalum: desse vörscreuen güdere scholen wezen vnd blyuen Hans van Piccatels vnd synen rechten eruen van erue to erue to ewigher tyd; dar scholen de Heydebreke nen toseggent efte lözinghe anne hebben. Hyr vp scholen de Heydebreke vörbönö- met vor sik vnd ere eruen Hansze vörbonömet vnd

synen erucn geuen eren bozeghelrien breff. Vnde Hans v;in Piccatel scal hebben der Heydebreken andeel to der Lipe vor hundert lubesche mark, so lange de Heyde- breken den vörscreuen summen wedder vthgheuen vnd lözen; dat scholen de Heydebreken Hanse vnde synen eruen ök wisse mäken in erem bozeghelden breue, dar vör dat Hinrik vnde Clawes erbenömet meer vpgheböret hebben vth den güderen, wen ere köp- vnde pantbreff vthwiset; vnde darto dat ze to vele gebörct hebben, scholen ze Hans van Piccatel vnd synen eruen geuen twehundert lubische mark. Vorbat alz Hans van Pic catel anspräket Hinrik van Heydebreken myt eyme be- zegelden breue, den Krechtendorp heft van Wedighe Kerkdorpes weghen, mit Hans van Piccatel dat ghelt mänen na vthwisinghe des breues, tusschen hir vnd sunte Wartens daghe neghest kämende, vnde Hinrike vnd synen eruen des eyne were wesen vor alle an- spräke, so scal Hinrik vnd Clawes erbonömet Hanse holden den breff, alz he lüd; doch zecht Hinrik, he heft där gelt vp böreth, kan he dat nabringen, alz recht is, he scal des geneten. Den knecht ghenömet Golden- bouwe, de dar geslägen wart to Prilleuitze, den scal Hinrik vnd Clawes van Heydebreke den frunden vor böten na der schicbt, alz id sebeen is, vnd geuen Pic- catell synen bröke an dem verndel. Ok scal Hinrik vnd Clawes vörbonömet vnd ere eruen to lözende schep- pen Hans van Piccatel vnd synen eruen den haluen Lankauel van Clawes Bardenvlete to dem Tzirne vnd dat güd, dat olde Clawes Bardenvlet heft to Hoghen Tzirtze, so verne Hinrik vnd Claws dat suluen to eres slates vörbonömet behöue nicht lözen willen, vnde de güdere scholen Hauszes pant wezen na der lözeden

267

breue vthwysynghe. Scheghe ök dat desser parte vnd deel welk alz Heydebreken Hinrik vnd Clawes efte ere eruen edder Hans van Piccatell edder zyne eruen an Prilleuitze ere dele am ghantzen edder am dele, slot edder güdere von deme slate, vorpanden, vorsetten edder vorköpen wolden, dar scholen se erst eyn iewelk synen vedderen vnde darneghest nemande to vorpan- dende, vorsettende edder vorköpende äne de Heyde breken erbenömet vnd Hans van Piccatell vörbonömet vnde ere eruen erer eyn to dem anderen to deme slate Prilleuitze vnd güderen erbonömel köpes vnd vorpan- dendes vnder sik neghest wesen. Gädede en des ök nicht, zo möghen ze dat Reymar van Plessen kynderen vnd eren rechten eruen beden, vnde wedderumme de Plessen effte ze so wes vorköpen edder vorpanden wolden to eren nöden, dat to bedende den genanten Heydebreken, Piccatel vnd eren eruen; bauen sodane vorbedinghe mach eyn ederman dat syente daran vor köpen, vorpanden vnde vorsetten, weme he wil, vth- genämen alz hyr vöre screuen steyt, zo ze vnder sik köpes vnd vorpandendes scholen neghest wesen. Hir an vnde äuer gewezet zynt vnse getrüwen erer beyder frunde Ludeke Haue to Basedouw, £3tf)ttlt ü$Oltjan töm Wolde, her Bernd Veregge, präuest to Frede lande, Henning van Piccatel töm Blomenhagen, JluÖCftC iHoltjatt toScorszouw, Hinrik Hane to Kuchelmisse, Achim van Blankenborgh, Jurgen van Bertkouw vnd Hin rik Ribe. To näwysinghe hebbe wy vnse inghezeghel henget bonedden an dessen breff, screuen to Iuenak.

268