Ick Claws Gamme wönaftich thöm Schwerine in der vogedie tho Plawe vnnd Gese myn ehlicke hüs- frowe, Kersten Passowen dochter güder dechtnisse, de in vorgangenen iären wänt hadde tho Czidderge in der vogedie töm Goltberge, wy bekennen vnd bettigen äpenbär vör vns, vnse eruen, vör alsweme, dat wy mit gantzeme willen, na rade, und rächt vnd vulbört der Parsow, hebben vorkoft vnd vorlägen vör den forsten der lande to Wenden vnd Megkelnborgk, ißgenwardigen vorköpen to eneme rechten koften köpe vnd vorläten in desseme vnseme brGue dem werdigen heren her Nicolao Beringer präweste vnd den innigen in godt Ermegardt Oldenborges priören vnd der gantzen ge- menen sämmelinge to Dobbertin vnd eren steden na- kämen twelff höuen vp dem velde to Kolpinstorpe, dat molkenhüsz mit dem gantzen häue, de nu wüste is, alse de hoff vnde höuen midt eren worden, kempen,

162

mit allen ehren tobehöringen liggen in alle eren enden vnd scheiden, mit allen holten, wäteren, wisken, weyden, mit aller pacht, mit richte vnd dienste, mit aller nuth vnd nuttigheit vnde mßnliken mit aller tobehöringe, dat sy benömet edder vnbenömet in desseme breuc, alsz quit vnde frig, alse dat Kersten Parsowe güder decht- nisse vörbenömet yhß vrigest gehatt vnd heseten heft vnnd my Gesen vörbenömet geeruet heft, my edder mynen eruen dar nicht ane to beholdende efte to heb- bendc: mit desseme vörscreuen güde hebben my myne vedderen vnd frunt Claws Gammen beräden, vortrüweth vnd tho der 6he gegeuen mit mynes väder erue vnd tho ßneme rechten brutschatte vnde medegift vör cnem summen geldes, alse sos hundert marck lubesch stralen- penninge, de de erbenömede präwest vnd priören vnd de gantze gemßne sämmelinge to Dobbertin my Clawes Gammen vörbenömet vnd myner hüsfrowen Gesen vör benömet hebben berßt, betält, rede äuertellet vnd wol thör nöge gegeuen in güden, gräuen, witten gelde, alse amme lande to Wenden best genge vnd geue is, de wy vort an vnse vnd vnser eruen nut vnd främen hebben gekert vnd lecht. Desset vörschreuen güt, hoff vnd höuen schulen de präwest, priören vnd de gantze sämme- linge to Dobbertin vnd ere steden nakömen besitten, hebben vnd rüweliken bruken vnd bören, sunder vnser edder vnser eruen hinder edder gegenkämen t, to man- rechte, vnd ick Gese vörbenömet wil vnd schal dissen hoff vnd höuen vörschreuen nicht suluen wedder köpen efte iemande gunnen wedder tho köpende, efte dem präweste vörbenömet edder sinen nakömen högher vor- panden in der tidt mynes leuendes; willen ehn denne myne nßgesten vedderen na mynem döde desset vor

schreuen giith wedderköpen van dem gadeshüse to Dobbertin, na wöntlicher wise am lande to Wenden, vör dessen vörschreuen summen geldes, alse sosshundert mark lubesch, dem präwest, der priören vnd der gantzen gemeinen sammelinge to Dobbertin tötoseggende in den vier hilligen dagen to Pasken vnd dar na tho dem ne- gesten sunte Martens dage sosz hundert mark lubesch stralenpenninge mit der gulde vnd pachte vnd aller nuth vnd frucht, die denne von dem iäre gentzlichen kämen konnen, gantz vnd deger an einem summen dem prä- weste vnd priörn äuertellen vnd tho der nöge wedder geuen in dem haue to Dobbertin edder wör en dat alderbequemest ist in dem lande tho Wenden. Des vörschreuen gtides scholen vnd willen wy mit vnsen eruen dem präuest vnd priörn vörbenömet to Dobbertin ein rechte were wesen vnd entfrien vor alszweme vor allerley anspräke geistlick vnd werltlick, wo väken wy vnd vnse eruen darto ge&sket werden van des gades- hüses wegen to Dobbertin; vorfelle äuer dat molcken- hiis eft afgebröken worde, där schal de präwest vnd priörn erbenömet vnd dat gadeshüs to Dobbertin neuen Schäden von nemen edder mänunge vmme liden vnd to nenen tiden mit vnsen eruen vmme anlangen. Alle desse artikel tosämen vnd ein islik besundergen läue wy Claws Gamme vnd Gese, dessuluigen Gammen elicke hüsfrowe, mit vnsen eruen dem präweste, priören vnd der gantzen gemeinen sämlinge tho Dobbertin vnd eren steden nakömen by eren, löuen vnd trüwen stede vnd vast wol tho holdende sunder alle argelist. Des to tüge vnd gröter bewäringe hebbe ick Clawes Gamme vnd Gese vörbenömet vör vns, vnse eruen vnse inge segele wetende hengen läten an dessen breff, de ge ll*

geuen is na der bört Christi düsent vierhundert sos

vnd viertich, am dage vnser Leuen frowen erer hemmel-

färt. Hir an vnd äuer sint gewesen de duchtigen Otte

Vieregge to Wokerenth, Heinrich von Plesse to Lub-

betze, Henningh Warborch Iho Cellin, Reimer von Plesse

to Prilleuitze, Jochim Pentze to Gorlose, Jochim Plate

tho Wesenberch, Reimer von Plesse tho Musselmow, 3)0*

Cfjiltt JBOltjSU tomVVolde vnd mßr löuenwerdigelüde.