Vor allen, de dessen bref zeen, hören efte lesen, bokenne ik JütCOlaUS iHoltjatt marschalk vnde betüghe äpenbär vör my, myne rechten eruen, inynem brödere JßÜUtcftC vnde allen mynen vedderen in vnde mit macht desses breues, dat ik wol tör nughe hebbe entfangen van deme ersämen manne Arnd Kol- pine borghermeistere bynnen Anklem veft'tich sundesche mark höuctstüls, welkere vefftich sundesche mark de erlike here her Hinrick Kune zeliger dachtnisse hadde gegeuen to euer vicarien belegen bynnen sunte Bartolomei perrekerken bynnen Demmyn, dee myne vedderen vnde bröder mit my sint to leenheren, vnde weren geköfft dar mede veer mark pacht bynnen dem dorpe Lutken Bunsow darsuluest vpp deme haue vnde hüuen Hermen Vughen zeliger dacht nisse, de nu de sulue Arnd Kolpin hefft vnde besyt vnde gekofft hefft van den Vughen to weddeschatte, van den suluen vefftich marken höuetstüls vnde allen sinen renten vnde allen mäningen, dat ik edder myne vedderen effte inyn genante bröder JiJUU'tcfe edder alswe he were, we he were, dar to mochten hebben, ik den vörscreuen

264

Arnd Kolpin, sine eruen vnde sine nakömelinge der ge nanten güdere läte vnde gheue quyd, vrig, leddich vnde lösz, nummer där vpp to säkemle, vnde ik wil em des eyn were wesen vör alsweme, vnde dat de vörscreuen veftich mark höuetstüls vnde veer mark pacht stan mede confirmeret in der confirmacien der suluen vicarien vppe dem vörscreuen häue vnde hüuen Hermen Vughens, dat schal dem genanten Arnd Kolpine, sinen eruen vnde sinen nakömelinghen wesen vnschedelyk, in vnde mit macht desses breues, vnde to zecherheit so hebbe ik deme suluen Arnde öuerantwerdet den höuetbreff mit güden willen vnde witschopp. To Urkunde hebbe ik dessen breff vorsegelt mit mynem anhangenden inghe- seghele, gheuen to Anklem in den iären des heren van siner bört düsent veer hundert in deme liegen vnde vefftigesten, des äuendes der hemmelfärt vnses heren Christi.