Ik Hinrik Scherf wänachtich to Verchentyn mit minen rechten eruen, desses breues wäre höuetman, bokenne äpenbär an desser scrift, dat ik mit vrigeme, güden willen hebbe vorkoft vnde vorköpe an rechteme köpe to Verchentyn an Hinrik Brummers haue vnde höuen, där de präuest rede ane heft vif mark vinken- öwen pacht, där vorköpe ik em tö an deme suluen haue vnde höuen sus schepel hundekorns drier leye korne vnde enc mark vinkenöwen pacht efte ingheldes, an Titke Westfals häue vnde höuen anderhaluen schepel hundekorns drierleye korne vnde sos lubessche schil- lyngge pacht vnde an Clawes Pardolen käte vnde an sy- ner wörd twelf lubessche schillingge pacht, myner rech ten erfliken pacht vnde pleghe: desset vörbenömede korne vnde pennynk pacht vorköpe ik Nicolao Stuten präueste, der abbatissen, priorissen vnde deme gantzen conuente to Yuenacke vor de höuen, de ik nämen hebbe van Heyne' Bruseuitzen häue, dar de präuest vörbonömed vif mark ingheldes ane hadde, de ik suluen büwe to myme haue. Desset vörbonömede korn vnde pacht schal de präuest vnde de gantze kouent vnde alle er nakömelygge so langge brukliken vpbören alle sunte Mertens daghe alle iär ons, zo langge dat ik edder myne eruen deme präueste vörbonömed edder deme gantzen conuente to seggen vnde lösen den bref, den dat godeshüs heft vp

289

Heyne Bruseuitzen hof vnde höuen to Verchentin, de lüt vppe veftich Iubessche mark; där to byn ik Hinrik Seherf vörbonömet mit minen rechten eruen deme präueste vörbonömet edder synen nakömelynggen schul- dich teyen Iubessche mark pennyngge vorsetener pacht, de heft he my läten so langge, dat ik edder myne eruen em toseggen edder deme ghantzen conuente vnde lösen em af den breff, den ze hebben vppe Heyne Bruseuitzen hof vnde twe höuen, na lüde des höuetbreues, den dat godeshüs där vp heft: so schal desse bref myt deme höuetbrßue quit, vrig vnde lös wesen, so verne alze desse teyen Iubessche mark mit den veftich lubesschen marken, de yn deme höuetbreue stän, an eneme tzummen boret worden mit der iärliker pacht, vnde eft där pacht nästände wer bleuen, de schal ik Hinrik Seherf efte mine eruen boreden an eneme tzummen. Wer ök dat de präuest desset vörbonömede hundekerne edder desse pennynkpacht nicht krege alle iär to rechler pachttit, so mach de präuest edder syne nakömelyngge se vth- panden läten myt weme dat he kan vnde wil, sunder hinder Hinrik Scherues edder syner eruen. Ok wil ik Hinrik Seherf edder myne eruen deme präueste desses vörbonömeden kornes vnde pacht ßne rechte wer wesen vör alle anspräke, so väkene alze em des nöt vnde bohöf is, to ende vth. Ok boholde ik Hinrik Seherf myt mynen rechten eruen den wedderköp vnde toseggent an desser vörbonömeden pacht efte korne vnde botä- lingge na lüde desses höuetbreues, dede lüt vp Heyne Bruseuitzen hof vnde twe höuen. Dyt vörscreuen alle vnde nä laue ik Hinrik Seherf mit minen rechten eruen stede vnde vast wol to holdende sunder alle arghelist vnde hulpewort. Des to tüghe vnde vasterme löuen

hebbc ik myn ingheseghel mit willen hengget vor dessen bref, vnde vordermer Hinrik Stute to Deuen vnde Bernt Vos to Clawestorpe hebben beyde ere ingheseghele henggen läten vör dessen bref to ener tuchnisse. Hiir anne vnde auer hebben weset Lutke Hane vndegjoarfjiltt i^Oltjatt, deditdeghedyngg et hebbe n:e. Gheuen vnde screuen na gades bort verteyenhundert iär dar na an deme en vnde sostighesten iäre, an deme daghe sunte Peters vnde Pawels daghe der hilghen apostele.