D. d. 1438. April 16.

Wii Jöhan vnde Hinrik van godes gnäden hertogen to Meklenborg, fursten to Wenden, to Stargarde heren, vppe de enen syden, vnde wii Hinrik vnde Johan van der zuluen gnäden hertogen to Meklenborg :c., greuen to Zwerin, vppe de anderen syden, bekennen vnde be- tugen öpenbär vör allesweme, vor vns vnde vnse eruen, dat wy zämptliken mit endracht hebben gelöset vnde quitet vnse slod vnde borch Wredenhagen in desser nascreuen wise, also dat wy erscreuen hertoge Hinrik de oldere schölen dat vörbenömede slod vnde borch hebben vnde bezitten mit aller frucht, nud vnde tobe- höringen, id sy wat id sy, nichtes nicht vthgenämen, dre iär all vmme, an rechtem slotlöuen, zunder ieniger-

94 .

leye vpslach, vnde schal vns allen dat bewären vnde to güde holden vnde beschutten, beschermen dar aff vnser aller land na synem besten vormöge vnde beteren de zuluen vogedie vnde slot to vnser aller behüff, vnde schal syne kökene där hebben vnde darzulues vogede zetten, de vnse erffbörne vnde beIende man syn, de em dar bequeme vnde gethlik synd^ wo väkene em des nöd vnde behüff is, vnde de zuluen vogede schulen den slotlöuen van vns allen böuenscreuen hereir zämpt- liken hebben vnde vntfangen, vnde de zulue borch schal vnser aller öpene slot wesen vnde bliuen to allen vnsen nöden, nuden vnde behöuen. Were ök zäke dat wy erbenömede hertoch Hinrik de oldere bynnen dessen dren iären wes vorbüweden vnde betherden an der er- screuen borch vnde slote Wredenhagen, des dar nöd vnde behüff is vnde bewislik were na irkenninge vnser twiger redere van beyden syden, dat scholen vnde willen wy erscreuen heren, en iewelk na syneme antäle vnde dele wedder geuen vnde wol betälen, men me schal mid zodäner rekenscop der büwete nynen slotlöuen weren effte hinderen. Were ök zäke dat id vnsen er screuen heren so legen were van kriges wegen der lande, dat wy vnse kökene wolden leggen töme Wredenhagen bynnen dessen dren iären, dat schal vns vnse vörbo- nömede vedder hertoge Hinrik nergene mede weren mid vnsem dele der vogedie där to belegen. Ok schole wy hertoge Hinrik de oldere vörscreuen dyt vörscreuen slod quit vnde vrig vnde mid zodaner zäed vnsen ved- deren wedder antworden, als wy nu tör tyd där gevun- den hebben. Ok zo scholen wy vörbonömede heren vpper erscreuen borch vnde vppe anderen sloten, där wy an slotlöuen tosämende ane zitten, slotureden to

sämende holden, also sloturedes recht is. Alle desse vörscreuen stucke vnde article vnde en iewelk besun- deren löue wy erscreuen heren vnser eyn deme anderen stede, vast vnde vntobröken an güden truwen sunder alle argelyst wol to holdende. Hiir an vnde öuer syn gewesen vnse truwen rä°dgeuere: her Mathias Ax- couwen, Otto Veregghe, Mauricius Flotouw, {gtlrtcft iftOlt)aU, Lutke Hane vnde mer andere, de wol löuen werdich syn. Des to vurder bewärynge hebben wy vörscreuen heren alle vnse ingesegele hengen läten ned- dene an dessen breff, de geuen is na der börd Christi düsent iär verhundert iär där na in deme achte vnde druttigesten iäre, des midwekens in deme Paschen.

0 . tofjahte . öet. ßrä . Oux . tttagnoj>oJe>.

< 0 . Jjmr • Bi ♦ gra . Hut*. magnopol. —

yb