Vnse vruntlike denste vnd wes wy mer leues vnd gtides vermöghen touörne. Irluchten, höchgebärnen fursien, leuen heren vnd ohme. Juwen breff hebbe wy wol vernämen, alzo gy scriuen vnd cläghen äuer vnse manne de JBolt}3tt£ vnd Buggenhaghene myt eren medehnlperen, dat ze iwe manne de Warnere röuen vnd bernen sunder schuld ic. Des bidde wy iw to we- tene, dat de bonömeden iftoltjatt£ vnde Bugghen- haghene vör vns weren wol een mal edder twe langhe vör pinxsten vnd clägheden clegeliken, dat ze en vöre hen dat ere genämen Iiedden an ere schulde vnd mV ment vns ök suluen üth vnseme egenen affleghere, där wy doch mede slethen vnd wolden dar nicht vmme dhim vnd verscreuent iwer leue vnd bovruchteden wol, dat där vnwille van entstän wolde, so screuen iuwe leuen vns nyn antwerde, anders hadde wy vnsen vlith där gherne by gedhän, dat id to solkeme arghe nicht gekämen hadde. Nu leuen heren, leuen ohme, deme sy

350

nu wo deme sy, so bogheren noch vnde bidden, dat gy där anders vöre dencken vnd den iwen noch stüren, dat ze vrede holden; des gheliken wille wy ök dhün vnd willen där vininc riden yn vnser eghenen persunen van stunden an vnd alzo dräde vns iwe breff kunpt, dat de iwen scholen vrede holden, so scholen de vnsen ök vrede holden, vnd scriuet vns enen korthen dach där by, alzo tuschen Demyn vnd Dargun edder up deme veerberghe vör Tribuzes edder susz up ßne leghelike boqweme stede, dar wille wy gherne mit iw to sämende kämen vnd äuer de vnsen richten, alzo verne gy deme 6k alzo dhün willen, wol denne dat meste gebreke by zik heft, dat de mest e verbüthe, vnd ök denne vor- bath dat eyn fast bostant to mäkende, dat sodanes nicht mer enschee. Wes gy nu h!r by dhün willen, boghöre wy iw vnuertöghert antwerdc van iwer leue, de wy gade almechtich bouelen to langhen, zalighen tyden, dat wy vns där na moglien weten to richtende. Screuen to Warnnowe, amme daghe Petri et Pauli apostolornm, vnder vnseme ingesegele, anno domini :c. LXVIII«».

Erick van gades gnaden to Stettin, der Pomeren, Cassuben vnd der Wende zc. hertoghe, furst to Rughen vnde greue to Gutzkowe. Den irluchteden, hochgebarnen fursten vnd heren heren Hinricke, Vlricke, Albrechte vnd Johanne hertoghen to Mekelenborch, fursten to Wenden vnd greuen to Swerin, vnsen leuen heren vnd ohmen vruutliken ghescreuen. (L. S.)

Nach dem Originale im grossherzogl. meklenburg. Geh. u. H. Archive zu Schwerin.

351