126.

Durchlauchtige, hochgeborne Fursten vnd herrn. Meine vnderthenige gehorsame Dienste sein E. f. g. zuuoran bereith. Gnedigen Fursten vnd hern. Dieweil ich nun abermals der gebrechen halben zwischen E. f. g. vnd mich schwebende in dieser schweren Zeit

236

vnd meynen alten tagen her erschienen vnd E. f. g. abermals dienstlich darumb besuche, ist demnach an E. f. g. meyn dienstfleiszige bitt, E. f. g. geruchen, mir auffs schleunigiste mugelich einen tagk zuzuschreiben, dennen langkwirigen gebrechen abzuhelfen. Auf schirst Letare vnd etzliche tage darnach habe ich von Ko. Matt, wegen mit etzlichen hohen personen zu handelen, von deswegen wolte ich E. f. g. aufs dinst- lichst gebeten haben, das der tag acht tage für Letare oder jhe aufs lengste acht tage nach Letare muge be- stimbt vnd gehalten werden. Dan E. f. G. vnd ich mochten leichtlich in der gute vertragen werden, wen E. f. g. selbst wolten, vnd hendler zwischen vns vor handen weren, die es an beyden theilen getreulich meinthen, wie ich meyne meynunge E. f. g. hie vorher meher den einmal grundtlich habe zugeschrieben. Bitt des E. f. g. eylend grundtlich Antwort. Data mit ey- gener hant zur Pentzelin, am Dunerstage nach Puri- ficationis Marie, 1551.

E. f. g.

vndertheniger Diener

Soacf)im JBaltjan,

Freyher zu Wartenbergk vnd Pentzelin jc.

Auch wirdt dieser bott vollen nach Costrine reitten, in mittler Zeit mag bey M. G. h. hertzog Philips bott- schafft zugefertiget vnd in widerreise bey diesem selbi gen botten mit gruntlich Antwort zugeschicket werde».

Den durchlauchtigen, hochgebornen Fursten vnd hern hern Barnym vnd hern Philips, Vettern, zu Stettin, Pommern jc., meynenn gnedigen Herren.

Eylent samptlich vnd sonderlich zu handen.

|ito.

fito.

Nach dem Originale im königl. Provinzial-Archive zu Stettin.

c:

237