«I.V.

Mauritius Sestede verleiht dem Detlev Sestede eine Commende im Klo ster Pretze. 15. Aug. 1523.

Allenn unnde iwelken, den dusse myn vorsegelde Breff vorkumpt, horenn, ßeen efte lesen, unde besundernn dem erwerdygen Hern Magistro Engelberto Castorpp, olde- stennDomhernn der Kerken to Lubke unde in denn geystlikenn Gescheftenn genanter Dom kerken Wicario effte Stedeholder, unde weme sodaenß undergescreven van Rechte itzundes effte inttokamende moghe bedrepen, entbede ick Mauritius Szestede, tho Stendorp inte Landt to Holstenn gesetenn, eynem ideren Nagebaren mynen Denst unnde fruntliken Gruth. Alse denne de werdyge unnde erbar Herr Detleff Szestede, Prawest to Uthynn unde Pretze, ock Domher gemelter Kerckenn to Lubeke, myn fruntlike leve Bedder, n« Jnholde eyner Fundatien, dar up gemaket, in der Cloester Kerkenn to Pretze, lubesch Gestychtes, eyne Commendenn vann vefftych Marken Lubesch, de na Affgange des er stem Besitters schal eyne Bicarie synn in der sulvenn Kerkenn van twyntych Mark lu besch, unnde de anderen druttich Mark sovort scholenn to verenn Memorienn jarlykes na Ummeldynge der Fundatienn ewychlikenn van denn bekappedenn Junckfrowenn to hol- dennde gelecht synn, so dath tho ytliker Memorien ene werde refectio van sodaneme

3) Hier bricht die vorstehende Copie ab. .,,

354

Gelds gedaen, wo die Fundatien dach brukelyk mede brynget, sodenne mylder Gedecht- nysse dorch Doeth gotzelyger Johannis Grymmolth, unlanges der Kerkenn to Lubeke Bysscoppe, ein julke Commende ys loeß gestorvenn unde my de Lenwar der Commen- den effte Bicarie, wo me de nomen schal, my ock de Fundatie vorhyndert Werth, dar uth ick my egentlyken schole belerenn, wo beroret ys, beholdenn den sulven Lenwar to bruken, presentere unnde vorantwerde ick thor gedachten Commenden effte Wicarien vor benannten mynen leven Wedderenn, denn werdigenn unnde erbaren Hernn Detleve Sze- fteden in dem Namenn Gades, unnde so he de umme Gades willenn yefft gestyfftet, myth eyme othmodigen Byddende, gy desse myne Presentatien wyllenn annemenn unnde tolatenn ene effte syneme Wulmechtygenn dar to wyllen institueren unnde providerenn. Ock gy de rowsame Besyttynge der Commenden effte Vicarien myth allen Rechtych- heydenn unnde Barynnge inforen unnde settenn hetenn latenn. Betuge ock my myt ^ besser Presentatien myner Lenwar wyl noch gedaenn hebbenn up dut Mall. Deß to Orkundynge hebbe ik myn Szegel wytlikenn heten hengen ann dessen mynen Breff, de gegeven ys im Lager vor Kopenhagen«, deß Mandages na der Hemmelvaerth Marienn, am Ja« XXIII.