IiXXII.

Propst Johann Crome beurkundet, zum Ankauf des halben Barsbek von Joh. Nike Breyde 200 Mark empfangen zu haben, und bestimmt den Ge« brauch der 20 Mark jährlicher Renten. 23. April 1379.

Witlich sy alden jenen, de dessen Breef seen unde hören, dat ik Her Johan Crome, en Provest to Poretze, bekenne unde betughe openbare in dessem Breve, dat de erbare Man, Johann Nike Breyde Heft ghegheven unde mi ghecmtwordet twe hun dert Mark Pennynghe, de ik in dem halven Barsbeke boret hebbe, do ik den koste mit Hete unde mit Wulbort miner Wruwen to Poretze. Vor desse vorbenomeden twe hundert Mark schal ik unde mine Nakomelinghe utgheven alle Yaar twintyicy Mark Gheldes des neghesten Daghes sunte Katherinen Daghe van der ersten redesten Rente, de de kumpt ut dem halven Barsbeke, alze hyr na screven steyt: to dem ersten scal men gheven vere Mark Gheldes den Closter-Wrowen to Poretze to Memorien unde to Reventer-Deneste, teyn Mark scal men gheven den Wruwen to delende, alle den jenen, de cledet syn unde fwart dreghen, de begheven syn, eneme jewelken allike vele to ewi- ghen Tyden, vort meer twe Mark scal men gheven Vor Abele Rantzowen, twe Mark scal men gheven Vor Talen Breyden, twe Mark scal men gheven Vor Talen Blockes, de Wile, dat er een levet unde levendich sint. Unde wan se sterven unde doot syn unde darna, dat se sterven, scolen de sos Mark Gheldes wedder komm to dem Pro- veste, de in der Tyd denne is, sunder jengherleye Bisprake. Alle desse vorscrevene Ding love ik Her Johan Crome, en Provest, mit minen Wrowen, der Prioren, de Vor Al- heydis Solenbeke gheheten is, unde mit deme gantzen Convente, de Closter - Vruwen stede unde vast to holdende to ewighen Tyden. Unde de Jar-Tyd scole wy unde unse Nakomelinghe des vorbenomeden Johannes Breyden unde siner Olderen des sulven ne ghesten Daghes sunte Katherinen Daghe byghaen mit Wylien unde mit Selmissen to ewyghen Tyden an ghuden Trumen, sunder jengherleye Were, ghestlik edder werlich, ofte sunder jengherleye Helperede. To ener Betughenisse besser vore screven Ding, so hebbe wy unse Provestie unde unses Conventes Jnghezeghele vor dessen Breef ghehen- ghet, de gheven unde screven is to Poretze na Ghodes Bort drutteynhundert Jar, in deme neghen unde seventtyghesten Jare, in sunte Juriens Daghe, des hilghen Merteleres.

262